चीनमा बुद्धको भीमकाय मूर्तिको पाउसम्म बाढी, एक लाख मानिसको उद्दार



सन् १९४० को दशकपछि आएको सबैभन्दा ठूलो बाढीले मध्यदक्षिण चीनस्थित बुद्धको एउटा भीमकाय मूर्तिको पैतलासम्म पुगेको छ । उक्त मूर्ति ७१ मिटर अग्लो छ । सिचुवान प्रान्तको चङ्दुनजिकै एउटा पहरामा आठौँ शताब्दीमा बनाइएको उक्त मूर्ति यूनेस्को सम्पदा सूचीमा समाविष्ट छ । नदीमा पानीको सतह प्रायः मूर्तिभन्दा धेरै तल हुन्छ ।

तर अहिले उक्त क्षेत्रमा ७० वर्षकै सबैभन्दा नराम्रो बाढी आएको छ । उक्त क्षेत्रबाट एक लाखभन्दा बढी मानिसलाई सुरक्षित स्थानमा सारिएको छ । बुद्धको मूर्ति पर्यटकीय आकर्षण बनेको छ। याङ्त्सी नदी र थ्री गोर्जेजमा उक्त क्षेत्र हुँदै डुङ्गायात्रा गराइन्छ । सरकारी सञ्चारमाध्यमले नदीमा पानीको सतह बढेपछि दर्जनौँ पर्यटकहरूलाई उद्धार गरिएको बताएका छन् ।

सन् १९४९ मा बुद्धको विशाल मूर्तिको खुट्टाका औँलासम्म पानी पुगेको थियो। प्रत्येक औँला एक जना मानिसजत्रा छन् । तर गत हप्ता मूर्तिको पीँधसम्म पानी पुग्यो र पानीको सतह बढिरह्यो । सिन्ह्वा समाचारसंस्थाका अनुसार बुद्धको पाउमा पानी पुग्दा चङ्दु डुबानमा पर्ने स्थानीय मान्यता छ । सिचुवान प्रान्तमा केही हप्तादेखि ठूलो वर्षा भइरहेको छ । तत्काल वर्षा रोकिने सम्भावना नभएको बताइन्छ ।

जोखिममा परेका क्षेत्रहरूबाट मानिसहरूलाई अन्यत्र सार्न थालिएको छ । विभिन्न नदीका तटमा बाढी र पहिरोको चेतावनी दिने प्रणाली सक्रिय बनाइएको छ । चुन्चिङमा यो वर्ष बाढीले धेरै चोटि दुःख दिइसकेको छ ।

याङ्त्सी नदीबाट जलविद्युत् निकाल्न बनाइएको थ्री गोर्जेज ड्यामबाट ठूलो परिमाणमा पानी आउन सक्ने चेतावनी अधिकारीहरूले दिएका छन् । त्यसबाट चुन्चिङसहित विभिन्न स्थान डुबानमा पर्न सक्ने बताइएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अन्तरिक्षमा अर्को दुर्लभ घटनाः ताराहरू ब्ल्याक होलमा ठोकिँदा जे देखियो…

ताराहरू एउटा ब्ल्याक होलमा ठोकिँदा अन्तरिक्षमा एउटा असाधारण विस्फोटन भएको वैज्ञानिकहरूले बताएका छन्

युगाण्डालाई इबोला परीक्षण खोपको १२ सय डोज प्राप्त

युगान्डाले इबोला परीक्षण खोपको बाह्र सय मात्रा प्राप्त गरेको छ । युगान्डाका स्वास्थ्यमन्त्री

मस्कोको एउटा सपिङ मलमा भीषण आगलागी

रुसको मस्को क्षेत्रको खिम्की सहरमा रहेको एउटा सपिङ मलमा शुक्रबार आगलागी भएको भएको

मृतकका बुबालाई गोली हान्न लगाएर हत्यारालाई मृत्युदण्ड

अफगानिस्तानमा हत्यामा दोषी ठहर एक अभियुक्तलाई मृतकका बुबालाई गोली हान्न लगाएर सार्वजनिक स्थानमा