कोरोना संक्रमणबाट भारतमा ५४ हजारको मृत्यु, २८ लाख भन्दा बढी संक्रमित

छिमेकी मुलुक भारतमा कोरोना भाइरस संक्रमितको संख्या २८ लाख नाघेको छ । पछिल्लो २४ घण्टामा ६९ हजार भन्दा बढीमा कोरोना संक्रमण पुष्टि भएसँगै कुल संक्रमितको संख्या २८ लाख ३५ हजार ८ सय २२ पुगेको हो ।

एसियाली देशमा सबैभन्दा बढी कोरोना संक्रमित भारतमा नै रहेको छ । संक्रमितमध्ये हालसम्म २० लाख ९६ हजार भन्दाबढी संक्रमणमुक्त भएका छन् भने ६ लाख ८५ हजार ७ सय ६० जनाको उपचार भइरहेको वल्डोमिटरमा उल्लेख छ ।

यस्तै पछिल्लो २४ घण्टामा कोरोना संक्रमणका कारण ९ सय ८० जनाको मृत्यु भएको छ । योसँगै मृत्यु हुनेको संख्या ५३ हजार ९ सय ९४ पुगेको छ ।