जासुसी गरेको आरोपमा सीआईएका भूतपूर्व अधिकारी पक्राउ



अमेरिकाको केन्द्रीय गुप्तचर निकाय सीआईएका एक पूर्वअधिकारीलाई एक नातेदारसँग मिलेर चीनका लागि जासुसी गरेको आरोपमा पक्राउ गरिएको छ । ती नातेदार पनि सीआईएका कर्मचारी थिए ६७ वर्षीय एलेक्ज्यान्डर युक चिङ मालाई गत शुक्रवार पक्राउ गरिएको र अभियोग लगाइएको अमेरिकी न्याय मन्त्रालयले एउटा विज्ञप्तिमा उल्लेख गरेको छ ।

उनले राष्ट्रिय सुरक्षासम्बन्धी वर्गीकृत सूचना चिनियाँ गुप्तचर अधिकारीहरूलाई दिएको आरोप लगाइएको छ । चीन र अमेरिकाबीच तनाव चुलिएको बेला जासुसीका आरोपमा पक्राउ परेका उनी सबैभन्दा महत्वपूर्ण व्यक्ति हुन् । मालाई मङ्गलवार अदालतमा पेस गरिन लागेको छ । दोषी ठहर भएमा उनलाई आजीवन कारावास सजाय हुनसक्छ ।माको जन्म हङ्कङमा भएको थियो तर उनी अमेरिकाका अङ्गीकृत नागरिक हुन् । उनले सन् १९८२ मा सीआईएमा काम गर्न थालेका थिए ।

अभियोजनकर्ताहरूका अनुसार सात वर्षपछि सीआईए छोडेर उनी अर्कै काम गर्न चीनको शाङ्घाई गए र २००१ मा फर्किए । मार्च २००१ मा हङ्कङमा भेटघाटहरू भएपछि मा र उनका नातेदारले एक दशक चीनका लागि जासुसी गरेको आरोप छ । ती दुईले सीआईएका कर्मचारी, गतिविधि र सञ्चार गोप्य राख्ने उपायहरूबारे चिनियाँ पक्षलाई जानकारी दिएको बताइएको छ ।

हङ्कङमा भएको एउटा भेटमा गोप्य सूचना दिएबापत माले ५० हजार डलर लिएको भिडियो प्रमाण उपलब्ध भएको अमेरिकाको दाबी छ । अदातलमा पेस गरिएको कागतपत्रमा हवाईमा बस्दा माले चीनका लागि सूचना सङ्कलन गर्ने उद्देश्यले एफबीआईमा काम गर्न खोजेको उल्लेख छ ।

उनलाई एफबीआईको होनोलुलुस्थित कार्यालयले सन् २००४ मा करारमा भाषाविद्को जागिर दिएको थियो । उनले त्यहाँबाट गोप्य कागजपत्र चोरेको आरोप छ । तर उनलाई किन पक्राउ गरिएको थिएन भन्ने स्पष्ट छैन । माको षड्यन्त्रमा संलग्न उनका नातेदारको नाम उल्लेख गरिएको छैन । तर उनी ८५ वर्षका भएका र अमेरिकाका अङ्गीकृत नागरिक भएको अभियोजनकर्ताहरूको भनाइ छ । उनी शाङ्घाईमा जन्मिएका थिए । स्वास्थ्यस्थिति कमजोर भएकाले ती वृद्धलाई पक्राउ गर्न खोजिएको छैन ।

अमेरिकी सहायक महाधिवक्ताले चीनले लामो समयदेखि जासुसी गरेको र अमेरिका पूर्वगुप्तचरहरू पनि संलग्न भएको बताएका छन् । नोभेम्बर महिनामा चीनका लागि जासुसी गरेको ठहर भएका जेरी चुन शिङ लीलाई १९ वर्ष कैद सुनाइएको थियो । लीले उपलब्ध गराएको जानकारीका आधारमा चीनले सन् २०१० देखि २०१२ सम्म सूचनादाताको एउटा सञ्जाललाई ध्वस्त बनाइदिएको थियो ।

सीआईएका अर्का गुप्तचर केभिन मेलोरीलाई गत वर्ष मे महिनामा २० वर्षको सजाय सुनाइयो । त्यसैगरी दोषी ठहर भएका रोन रक्वेल ह्यान्सनले सेप्टेम्बर महिनामा १० वर्षको सजाय पाए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
लडाकु विमान दुर्घटनामा भियतनाममा चालकको मृत्यु

हनोई । लडाकु विमान दुर्घटनामा चालकको मृत्यु भएको छ । उत्तर भियतनामको येनबाई

निर्वाचनमा प्रतिस्पर्धा गर्ने श्रीलंकाका पूर्वराष्ट्रपति सिरिसेनाको घोषणा

श्रीलङ्काका पूर्वराष्ट्रपति मैत्रीपाला सिरिसेनाले आगामी राष्ट्रपतीय निर्वाचनमा प्रतिस्पर्धा गर्ने घोषणा गरेका छन् ।

६ महिने भिसाका लागि ब्राजिलका पूर्वराष्ट्रपतिको अनुरोध

ब्राजिलाका पूर्वराष्ट्रपति जेर बोल्सोनारोले ६ महिनाका निम्ति आफूलाई प्रवेशाज्ञा प्रदान गर्न अमेरिका सरकारसमक्ष

राष्ट्रसङ्घद्वारा पेसावर मस्जिदमा भएको हिंसात्मक हमलाको निन्दा

संयुक्त राष्ट्रसङ्घका महासचिव एन्टोनियो गुटरेसले पाकिस्तानको पेशावरमा सोमबार भएको हिंसाको घटनाको निन्दा गरेका