भेनेजुएला पठाउन लागेको इरानको ११ लाख ब्यारेल तेल अमेरिकाद्वारा कब्जा



अमेरिकाले हालसम्मकै ठूलो मात्रामा इरानको तेलमाथि कब्जा गरेको छ । चारवटा जहाजमा भेनेजुएला पठाउन लागिएको ११ लाख ब्यारेल तेल ’विदेशी साझेदारहरूको सहयोगमा’ जफत गरिएको अमेरिकी न्याय मन्त्रालयले जनाएको छ । अमेरिकाले ती जहाजले अमेरिकी प्रतिबन्धलाई पालना नगरेको बताएको छ ।

भेनेजुएलाका लागि इरानी राजदूतले ती जहाज र तिनका मालिक इरानी नरहेको दाबी गरेका छन् । गत महिना अमेरिकाले अदालतमा मुद्दा हालेपछि एक न्यायाधीशले ती चारवटा जहाज कब्जा गर्न स्वीकृति दिएका थिए । अमेरिकी न्याय मन्त्रालयले ’इस्लामिक रिभोलुसनरी गार्ड कर्प्स आईआरजीसीको लाखौँ डलर मूल्यका तेल सफलतापूर्वक कब्जामा लिइएको’ बताएको छ । आईआरजीसी अमेरिकाले विदेशी आतङ्कवादी संस्था तोकेको इरानी सशस्त्र बलको एउटा अङ्ग हो ।

मन्त्रालयले कब्जामा लिइएका तेल अमेरिकी नियन्त्रणमा रहेको बताए पनि कहाँ र कहिले कब्जामा लिइएको भन्ने खुलाएको छैन । अमेरिकाले इरानी जलसेनाले ती जहाजलाई कब्जामुक्त गर्न एउटा असम्बन्धित जहाज कब्जामा लिन असफल प्रयास गरेको पनि बताएको छ । एक वरिष्ठ अमेरिकी अधिकारीले तेल कब्जा गर्न कुनै सैन्य शक्ति प्रयोग नगरिएको र जहाजलाई भने कब्जामा नलिइएको समाचारसंस्था एपीलाई बताएका छन् । बेला, बेरिङ्, पान्डी र लुना नामका ती जहाजहरू अहिले कहाँ छन् भन्ने स्पष्ट भएको छैन ।

भेनेजुएलाका लागि इरानी राजदूत होजात सोल्तानीले कब्जाको विवरण मिथ्या प्रचार रहेको बताएका छन् । सन् २०१८ मा अमेरिकाले एकपक्षीय रूपमा इरानसँगको परमाणु सम्झौताबाट हात झिकेपछि दुई देशबीच तनाव चुलिएको छ । अमेरिकाले इरान र भेनेजुएलाविरुद्ध तेल निर्यात रोक्न ठूला प्रतिबन्धहरू लगाएको छ । अमेरिका भेनेजुएलाबाट राष्ट्रपति निकोलस मदुरोलाई हटाउन चाहन्छ र इरानको नेताहरूको व्यवहार परिवर्तन गर्न चाहन्छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अस्पताल परिसरमा इजरायली कारबाही, दुईसय जनाको मृत्यु

हमासका वरिष्ठ व्यक्तिहरू भित्र रहेको सुराकीपछि गाजामा रहेको सबैभन्दा ठूलो शिफा अस्पतालमा इजरायलले

रूसी सेनाको विमान क्रिमियाली क्षेत्रमा दुर्घटनाग्रस्त

रूसी सेनाको एउटा विमान क्रिमियाली प्रायद्वीपनजिकको समुद्रमा दुर्घटनाग्रस्त भएको युक्रेनको नियन्त्रणमा रहेको क्रिमियाली

अपहरित नाइजेरियाली बालबालिका अभिभावकसँग पुनर्मिलन

दुई हप्ताभन्दा बढी समय अपहरणमा परेर सेनाको सहयोगमा मुक्त भएका एकसय ३० भन्दा

बंगलादेशकी पूर्वप्रधानमन्त्री जियाको जेल सजाय ६ महिना थप

बंगलादेश सरकारले पूर्वप्रधानमन्त्री खालेदा जियाको जेल सजायलाई अर्को छ महिना थप गरेको छ