लकडाउन गरिएको भोलिपल्ट न्यूजील्यान्डमा थप १८ जनामा कोरोना संक्रमण



न्यूजील्यान्डको सबैभन्दा ठूलो सहर अकल्यान्डमा पुनः लकडाउन गरिएको भोलिपल्ट १४ जनामा कोरोनाभाइरस सङ्क्रमण पुष्टि भएको छ । तीन महिनासम्म न्यूजील्यान्डभित्र स्थानीय रूपमा सङ्क्रमण सरेको पाइएको थिएन । तर केही दिनअघि एउटै परिवारमा चार सङ्क्रमित फेला पर्दा अधिकारीहरू स्तब्ध भएका थिए । अहिले भेटिएका सङ्क्रमितमध्ये १३ जनाको सम्बन्ध उक्त परिवारसँग भएको बताइएको छ। अर्का व्यक्ति चाहिँ विदेशबाट फर्किएर क्वारन्टीनमा बसेका थिए ।

अकल्यान्डमा शुक्रवारसम्म लकडाउन कायम रहनेछ । प्रधानमन्त्री जसिन्डा आर्डर्नले आफूहरुले विद्यमान परिस्थितिको गम्भीरता बुझ्न सक्ने बताइन् । यो परिस्थितिको अविलम्ब तर संयमित रूपमा र विधिवपूर्वक सामना गरिने उनको भनाइ थियो । उनले सबै सङ्क्रमितलाई अलग्गै राखिने र उनीहरूको सम्पर्कमा आएका केही मानिसहरू पनि क्वारन्टीनमा राखिने बताइएको छ ।

कोरोनाभाइरस महामारी नियन्त्रणका लागि न्यूजील्यान्डको कामको विश्वभरि प्रशंसा हुने गरेको छ । अहिले फेरि अकल्यान्डमा हिँडडुल गर्न कडा प्रतिबन्ध लगाइएको छ भने देशभरि नै सामाजिक दूरीका उपाय अवलम्बन गर्न भनिएको छ ।

प्रधानमन्त्रीले सङ्क्रमण नियन्त्रणमा आउनुअघि केही फैलिने अनुमान गरिएको बताइन् ।स्वास्थ्यकर्मीहरू अहिले कसरी कोरोनाभाइरस फैलियो भनेर पत्ता लगाउन प्रयास गर्दैछन् । त्यसका लागि अहिले फेला परेका सङ्क्रमितहरूका परिवार र सम्पर्कमा आएका व्यक्तिहरूको परीक्षण भइरहेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
मस्जिदमा भएको बम विष्फोटमा आतङ्कवादी सञ्जालको सम्लग्नता रहेको प्रहरीको दाबी

पाकिस्तानको उत्तरपश्चिमी पेशावर शहर खैबर पख्तुनख्वाको एक मस्जिदमा सोमबार भएको आत्मघाती बम विष्फोटमा

मुद्रास्फिति नियन्त्रणका लागि बेलायतको केन्द्रीय बैंकले ब्याजदर वृद्धि गर्ने

बेलायतको बैंक अफ इङ्ल्यान्डले जीवनयापनको लागत, सार्वजनिक क्षेत्रको हड्ताल र मन्दीको डरलाई बढावा

पाकिस्तानका पूर्वप्रधानमन्त्री खानका वरिष्ठ सहयोगी पक्राउ

पाकिस्तानका पूर्व गृहमन्त्री तथा अपदस्थ नेता इमरान खानका बरिष्ठ सहयोगीलाई बिहीबार पक्राउ गरिएको

नयाँ नोटमा बेलायती नरेशको तस्बिर नछाप्ने अष्ट्रेलियाको घोषणा

अष्ट्रेलियाले आफ्नो ब्याङ्कनोटमा बेलायती नरेशको तस्बिर नछाप्ने घोषणा गरेको छ । अष्ट्रेलियाको केन्द्रीय