बलिउड अभिनेता अमिताभ बच्चन कोरोना संक्रमण मुक्त

बलिउड अभिनेता अमिताभ बच्चन कोरोना संक्रमण मुक्त भएका छन् । अमिताभको कोरोना रिपोर्ट नेगेटिभ आएसँगै उनी अस्पतालबाट डिस्चार्ज भएका छन् । छोरा अभिषेकले ट्वीटरमार्फत पिताले कोरोनालाई जितेको जानकारी दिएका छन् । उनले चिकित्सक, शुभेच्छुकहरुलाई धन्यवाद दिँदै अब घरमै आराम गर्ने उल्लेख गरेका छन् ।

अमिताभलाई दुई साताअघि कोरोना संक्रमण पुष्टि भएको थियो । उनीसँगै छोरा अभिषेक, बुहारी ऐश्वर्या, नातिनी आराध्यालाई पनि संक्रमण देखिएको थियो । उनीहरु यसअघि नै संक्रमणमुक्त भएर डिस्चार्ज भइसकेका छन् ।