चीनद्वारा मंगलग्रहको अध्ययन गर्न अन्तरीक्ष यान प्रक्षेपण
चीनले मंगलग्रहको अध्ययन गर्न एउटा अन्तरीक्ष यान प्रक्षेपण गरेको छ । चीनले आफ्नो मंगल अभियानलाई तियानवेन–१ राखेको छ । चीनको हेनान प्रान्तबाट प्रक्षेपण गरिएको यानलाई चीनको लङ मार्च ५ बाट प्रक्षेपण गरिएको थियो । साइट कमान्डर झाङ झुयुले राज्य संचालित सिसिटिभी टेलिभिजनबाट प्रक्षेपण अभियान सफल भएको घोषणा गरेका थिए ।
पाँच टन वजनको तियानवेन–१ करिब सात महिनापछि फेब्रुवरी २०२१ मा ५ करोड ५० लाख किलोमिटरको यात्रा गरेर पृथ्वीमा फर्कने छ । यस मिसनमा एउटा मार्स अर्बिटर, एउटा ल्यान्डर र एउटा रोभर रहेको छ । यी उपकरणको मद्दतबाट मंगल ग्रहको माटोको अध्ययन गरिने चिनियाँ वैज्ञानिकहरुले बताएका छन् । हार्वर्ड–स्मिथसोनियन सेन्टरका अन्तरिक्षयात्री जोनाथन म्याडावेलले चीनले पहिलो पटक गरेको यस प्रयासबाट ठूलै उपलब्धि हासिल भइहाल्नेमा अहिल्यै आशावादी हुन नसकिने बताए ।
