कोरोना नियन्त्रणका लागि चीनले सहयोग नगरेको अमेरिकाको आरोप

अमेरिकाले कोरोना नियन्त्रणका लागि चीनले सहयोग नगरेको आरोप लगाएको छ । अमेरिकी विदेशमन्त्री माइक पोम्पीओले कोरोनाको उपचार तथा नियन्त्रणमा सघाउनुको साटो साउथ चाइना सीमा सैन्य क्षमता बढाइरहेको आरोप लगाएका हुन् ।

बेलायती विदेशमन्त्री डोमेनिक रावसँगको भेटवार्तापछि पत्रकारहरुसँग कुरा गर्दै अमेरिकी विदेशमन्त्री पोम्पीओले महामारीको समयमा विश्वलाई सहयोग गर्नु भन्दापनि छिमेकीसामु दादागिरी देखाएको आरोप लगाए । कोरोना नियत्रणमा विश्व एकजुट भएर काम गर्नुपर्नेमा जोड दिँदै उनले कोरोना भाइरसको बारेमा वास्तविक सूचना लुकाएको आरोप लगाए

। विदेशमन्त्री पोम्पीओले केही समय अघि भारत र चीनबीच सीमामा भएको विवादतर्फ इंगित गर्दै हरेक देशले सीमासम्बन्धी अन्तर्राष्ट्रिय व्यवस्थाको पालना गर्नुपर्ने बताए । साउथ चाइना सीको विवादित क्षेत्रमाथि कुनै कानुनी दाबी नरहेको भन्दै चीनले छिमेकीलाई दःुख दिइरहेको ओरोप लगाए ।