विश्वका ७४ लाख ७८ हजार भन्दाबढी कोरोना संक्रमित उपचार पछि निको भएर डिस्चार्ज
विश्वभर ७४ लाख ७८ हजार भन्दाबढी कोरोना संक्रमित उपचार पछि निको भएर घर फर्किएका छन् । १ करोड २८ लाख ४२ हजार १ सय १२ जनामा कोरोनाको सङ्क्रमण पुष्टि भएकामा ७४ लाख ७८ हजार १ सय ९६ जना उपचार पछि निको भएर घर फर्किएका हुन् । यस्तै, संक्रमितमध्ये ५ लाख ६७ हजार ६ सय ५३ जनाको मृत्यु भईसकेको वल्डोमिटरको तथ्यांकमा उल्लेख छ ।
संक्रमितमध्ये ४७ लाख ९६ हजार २ सय ६३ जना विभिन्न अस्पतालमा उपचाररत छन् भने ५८ हजार ८ सय ३२ जनाको अवस्था गम्भिर रहेको छ । यस्तै, सबैभन्दा बढी प्रभावित भएको अमेरिकामा ३३ लाख ५५ हजार ६ सय ४६ जनामा सङ्क्रमण देखिएको छ भने १ लाख ३७ हजार ४ सय ३ जनाको मृत्यु भएको छ ।
संक्रमितमध्ये १४ लाख ९० हजार ४ सयभन्दा बढी निको भएका छन् । यस्तै, ब्राजिलमा १८ लाख ४० हजार बढी, भारतमा ८ लाख ५० हजार बढी र रसियामा ७ लाख २० हजार बढी संक्रमित भएका छन् ।
