विश्वमा एक करोड २६ लाख भन्दा बढीलाई कोरोना संक्रमण, ५ लाख ६२ हजारको मृत्यु

विश्वभर महामारीको रुपमा फैलिएको कोरोना भाइरस संक्रमितको संख्या एक करोड २६ लाख १५ हजार ३ सय ६७ जना पुगेको छ । संक्रमित मध्ये ५ लाख ६२ हजार ११ जनाको मृत्यु भएको छ । यसैगरी, संक्रमितमध्ये ७३ लाख २० हजार ९ सय जना उपचारपछि निको भएर घर फर्किएका छन् । वल्डोमिटरको तथ्याङ्क अनुसार अझैपनि विश्वभर ४७ लाख ३२ हजार भन्दाबढी मानिसहरु विभिन्न अस्पतालमा उपचार गराइरहेका छन् ।

उनीहरुमध्ये ४६ लाख ७३ हजार भन्दाबढीको अवस्था सामान्य छ भने ५८ हजार ८ सय ३ जनाको अवस्था गम्भीर रहेको छ । कोरोनाभाइरसकै कारण सबैभन्दा बढी प्रभावित अमेरिकामा हालसम्म ३२ लाख ९१ हजार ३ सय बढी मानिसहरु संक्रमित भएका छन् भने १ लाख ३६ हजार ६ सय बढीको मृत्यु भइसकेको छ । यस्तै, ब्राजिलमा १८ लाख ४ हजार भन्दाबढी संक्रमित भएका छन् । जसमध्ये ७० हजार ५ सय बढीको मृत्यु भएको छ ।