ट्रम्पका कर विवरण न्यूयोर्कका अभियोजनकर्ताले हेर्न पाउने



अमेरिकामा सर्वोच्च अदालतले राष्ट्रपति डोनल्ड ट्रम्पको वित्तीय विवरण न्यूयोर्कका अभियोजनकर्ताहरूले परीक्षण गर्न पाउने फैसला गरिदिएको छ । अर्को सम्बन्धित मुद्दामा भने अदालतले उक्त विवरण कङ्ग्रेसलाई दिनु जरुरी नभएको फैसला गरेको छ । आफ्ना पूर्ववर्तीहरूले जस्तो कर दाखिलाका विवरण सार्वजनिक नगरेकोमा राष्ट्रपति ट्रम्प आलोचित हुँदै आएका थिए ।

उनका वकिलले ह्वाइट हाउसमा रहुञ्जेल उनलाई पूर्ण उन्मुक्ति रहेको जिकिर गर्दै कङ्ग्रेससँग त्यस्तो विवरण माग गर्ने कुनै उचित कारण नभएको जनाएका थिए ।

विपक्षी डेमोक्र्याटहरूको नियन्त्रणमा रहेको तल्लो सदनका दुई समिति तथा न्यूयोर्कका अभियोजनकर्ता साइरस भान्सले ट्रम्पको कैयन् वर्षदेखिका कर विवरणको माग गरिरहेका थिए । अमेरिकी राष्ट्रपतिको स्वार्थ बाझिएको सम्बन्धी विद्यमान कानुन कत्तिको प्रभावकारी छ भनेर जाँच्न ती आवश्यक भएको उनीहरूको जिकिर थियो ।

रिपब्लिकन नेता ट्रम्पले भने आफूले कुनै गल्ती नगरेको भन्दै आएका छन्। सर्वोच्च अदालतले गरेको फैसलाविरुद्ध राष्ट्रपति ट्रम्पले क्रुद्धतापूर्ण प्रतिक्रिया जनाएका छन् । आफू राजनीतिक स्वार्थप्रेरित कारबाहीबाट पीडित भएको उनले बताएका छन् । कोरोनाभाइरसका कारण न्यायाधीहरूले ’रिमोट’ सुनुवाइ गरेका थिए ।

तर ती दस्तावेजबाट आउने सूचना नोभेम्बरमा हुने राष्ट्रपतिय निर्वाचनभन्दा अगाडि सार्वजनिक गरिने सम्भावना पनि कमै रहेको उनको भनाइ छ । यसबीच डेमोक्र्याटिक पार्टीका उम्मेदवार जो बाइडनले आफूले गत २१ वर्षको कर दाखिलाका दस्तावेज सार्वजनिक गरेको भन्दै ट्रम्पलाई या त आफ्नो रेकर्ड सार्वजनिक गर्न या त चुप लागेर बस्न भनेका छन् ।

सर्वोच्च अदालतका दुवै निर्णय दुईका विरुद्ध सात न्यायाधीशको बहुमतले गरिएका थिए । राष्ट्रपति ट्रम्पले सर्वोच्च अदालतमा मनोनित गरेका दुवै अनुदारवादी न्यायाधीश निल गोर्सच तथा ब्रेट क्याभानो बहुमतका पक्षमा उभिएका थिए । सन् २०१६ मा निर्वाचनको प्रचारप्रसार ताका राष्ट्रपति ट्रम्पले अनुदारवादी न्यायाधीशको नियुक्तिले आफ्नो राजनीतिक एजेन्डा अघि बढ्ने बताएका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
इजरायली सेनाद्वारा तीन बन्धकको शव बरामद

इजरायली सेनाले शुक्रबार उत्तरी गाजा पट्टीको जबालियामा रातभरको कारबाहीपछि तीन जना बन्धकको शव

अपमानजनक अभिव्यक्ति दिएको अभियोगमा सिङ्गापुरका पूर्वप्रधानमन्त्री लीका भाइलाई दुई लाख ९६ हजार डलर जरिवाना

सिङ्गापुरको अदालतले शुक्रबार पूर्व प्रधानमन्त्री ली सिएन लुङका भाइलाई दुई शीर्ष मन्त्रीप्रतिको अपमानजनक

पपुवा न्युगिनीमा पहिरोमा परी करिब एकसय जनाको मृत्यु भएको आशङ्का

पपुवा न्युगिनीको एक दुर्गम गाउँमा शुक्रबार बिहान गएको भीषण पहिरोमा परी कम्तीमा १००

महाराष्ट्रको रासायनिक कारखानामा भएको विस्फोट परी ज्यान गुमाउनेको सङ्ख्या ११ पुग्यो

भारतको दक्षिण–पश्चिमी राज्य महाराष्ट्रको रासायनिक कारखानामा भएको विस्फोट परी ज्यान गुमाउनेको सङ्ख्या ११