भारतीय प्रहरीद्वारा गुण्डा नाइके विकास दुवेको हत्या
भारतीय प्रहरीले गुण्डा नाइके विकास दुवेलाई मारिदिएको छ । हत्या, लुटपाटलगायतका दर्जनौं घटनामा संलग्न भएको आरोप लागेका दुवेलाई बिहीबार मध्यप्रदेश प्रहरीले पक्राउ गरेको थियो । प्रहरीको हतियार खोसेपछि जवाफी कारबाहीमा उनी मारिएको भारतीय प्रहरीको दाबी छ । उनलाई प्रहरीले शुक्रबार बिहान कानपुर लगिंदै थियो ।
प्रहरीका अनुसार शुक्रबार बिहान उनलाई लिएर गइरहेको गाडी सडक किनारमा पल्टिएको र त्यसपछि दुवेले प्रहरीको हतियार खोसेर आक्रमणको प्रयास गरेका थिए ।
त्यसको जवाफी कारबाहीमा उनी मारिएका प्रहरीले दाबी गरेको छ । भारतको कानपुरमा दुवेलाई पक्राउ गर्न गएको टोलीमाथि दुवे समूहको आक्रमणमा परी गता साता एक डिएसपीसहित ८ जनाको मृत्यु भएको थियो ।