भारतको कानपुरमा बन्दुकधारीको आक्रमणबाट आठ प्रहरीको मृत्यु
भारतको कानपुरमा एक कुख्यात अपराधीलाई समाउन गएको प्रहरी टोलीमाथि आक्रमण हुँदा एक आठ प्रहरी अधिकारीको मृत्यु भएको छ । घटनामा चार प्रहरी घाइते भएका छन् । कानपुरको चौबेपुरको बिकरुगाउँमा अपराधी समाउन गएको प्रहरी टोलीमाथि आक्रमण भएको भारतीय सञ्चारमाध्यले जनाएका छन् ।
प्रहरीका अनुसार मृत्यु हुनेमा एसपी देवेन्द्र मिश्रासहित तीन सब इन्स्पेक्टर र चार प्रहरी हवल्दार रहेका छन् । कुख्यात अपराधी विकास दुवेलाई पक्राउ गर्न गएको प्रहरीको टोलीमाथि आपराधिक समूहले अन्धाधुन्ध गोली हानेको थियो । प्रहरीले दुवेको टाउकाको मूल्य २५ हजार तोकेको थियो । जिल्ला पञ्चायतका पूर्व सदस्य दुबेविरुद्ध विभिन्न ५३ अभियोग रहेका छन् ।
