विश्वमा कोरोना संक्रमणबाट ४ लाख ९१ हजार भन्दा बढीको मृत्यु
विश्वभर महामारीको रुपमा फैलिएको कोरोना भाइरसको संक्रमणबाट मृत्यु हुनेको संख्या ४ लाख ९१ हजार नाघेको छ । ९७ लाख ११ हजार ३ सय १४ जना कोरोनाको सङ्क्रमण पुष्टि भएका मध्ये ४ लाख ९१ हजार ७ सय ९७ जनाको मृत्यु भएको छ । संक्रमितमध्ये ५२ लाख ४७ हजार १ सय ७४ जना उपचारपछि निको भएर घर फर्किएका छन् ।
संक्रमित मध्ये ३९ लाख ७२ हजार ३ सय ४३ जनाको विभिन्न अस्पतालमा उपचार भइरहेको छ भने ५७ हजार ६ सय भन्दाबढीको अवस्था गम्भीर रहेको वल्डोमिटरले उल्लेख गरेको छ ।
यस्तै कोरोनाबाट सबैभन्दा बढी प्रभावित अमेरिकामा १ लाख २६ हजार ७ सय ८० जनाको मृत्यु भएको छ । २४ लाख ४ हजार ५ सय ८८ जना संक्रमित भएका छन् । जसमध्ये १० लाख ५२ हजारभन्दाबढी कोरोनामुक्त भएका छन् । यस्तै, ब्राजिलमा कोरोना संक्रमणका १२ लाख ३३ हजार बढी संक्रमित छन् भने ५५ हजारभन्दा बढीको मृत्यु भएको छ ।
