भारतले दिल्लीस्थित पाकिस्तानी दुतावासका आधा कर्मचारीलाई देश निकाला गर्ने
भारतले दिल्लीस्थित पाकिस्तानी दुतावासमा कार्यरत आधा कर्मचारी निष्काशन गर्ने भएको छ । जासुसी तथा आतकंवादीहरुसँगको सम्बन्धमा जोडिएको आरोप लगाउँदै भारतले पाकिस्तानी दुतावासमा कार्यरत कर्मचारीहरुलाई देश निकालाको तयारी गरेको हो ।
भारतले पाकिस्तानको इस्लामावादस्थित भारतीय दुतवासमा कार्यरत कर्मचारीको संख्या पनि आधा कटौती गर्ने जानकारी भारतीय विदेश मन्त्रालयले दिएको छ ।
भारतको एकतर्फी निर्णयको पाकिस्तानी अधिकारीहरुबाट अहिलेसम्म कुनै आधिकारीक प्रतिक्रिया आएको छैन । भारतले तीन हप्ता अगाडि दुई जना पाकिस्तानी कुटनीतिज्ञलाई देश निकाला गरेपछि दुई देशबिचको सम्बन्ध फेरि चिसिएको छ ।