ब्राजिलमा कोरोना संक्रमणबाट ४९ हजार भन्दा बढीको मृत्यु, दश लाख भन्दा बढी संक्रमित
ब्राजिलमा कोरोना भाइरसबाट संक्रमित हुनेको संख्या दश लाख नाघेको छ । ब्राजिलमा संक्रमित १० लाख ३८ हजार ५ सय ६८ पुगेको छ । मृतकको संख्या ४९ हजार ९० पुगेको छ । पछिल्लो २४ घण्टामा मात्र त्यहाँ ५४ हजारभन्दा बढी संक्रमित थपिएका जनाइएको छ ।
यही गतिमा बढेमा ब्राजिलले अमेरिकालाई पनि उछिन्ने अनुमान गर्न थालिएको छ । विश्व स्वास्थ्य संगठनका अनुसार विश्वमा ४ लाख ५० हजार हजार ६ सय ८६ जनाले ज्यान गुमाएका छन् । सबैभन्दा बढी अमेरिकामा १ लाख २१ हजार चार सय ७ जनाको मृत्यु भएको छ । त्यस्तै संक्रमितको संख्या ८३ लाख ८५ हजार नाघेको छ ।