ट्रम्पद्वारा चुनाव जित्न चिनियाँ राष्ट्रपति सीसँग सहयोग



अमेरिकी राष्ट्रपति डोनल्ड ट्रम्पले आगामी निर्वाचनमा जित सुनिश्चित गर्न चिनियाँ राष्ट्रपति सी जिनपिङको सहयोग लिने प्रयास गरेको पूर्वराष्ट्रिय सुरक्षा सल्लाहकार जोन बोल्टनले लेखेको नयाँ पुस्तकमा दाबी गरिएको छ । नयाँ किताबमा बोल्टनले अमेरिकी किसानहरूद्वारा उत्पादित कृषि उत्पादन चीनले किनोस् भन्ने ट्रम्पले चाहेको उल्लेख गरेका छन् । पछिल्लो प्रकरणले ती कामहरू समझाउँछ जसका कारण ट्रम्पमाथि महाअभियोग लगाइएको थियो ।

ट्रम्प प्रशासनले उक्त पुस्तकको प्रकाशन रोक्न चाहेको छ। अमेरिकी न्याय मन्त्रालयका अनुसार पुस्तकमा गोप्य सूचना समावेश गरिएको छ । ’द रुम ह्वेर इट ह्यापन्ड’ नामक पुस्तक जुन २३ तारिखमा सार्वजनिक हुँदैछ । गत जनवरीमा ह्वाइट हाउसले उक्त पुस्तकमा एकदमै गोप्य विवरणहरू रहेको र त्यो हटाइनुपर्ने बताएको थियो ।

तर बोल्टनले त्यसलाई अस्वीकार गरेका थिए । गत जनवरी महिनामा त्यसबेला डेमोक्रेटिक दलका तर्फबाट राष्ट्रपतीय निर्वाचनका सम्भावित प्रतिद्वन्द्वी जो बाइडन र उनका छोरा हन्टर बाइडनमाथि भ्रष्टाचारसम्बन्धी अनुसन्धान शुरू गर्न युक्रेनलाई दबाव दिएको विवरण सार्वजनिक भएपछि ट्रम्पविरुद्ध महाभियोग लगाउनका लागि प्रक्रिया शुरू गरिएको थियो ।

ट्रम्पले आफू विरुद्धका आरोपहरू अस्वीकार गरेका थिए। रिपब्लिकन दलको पकडमा रहेको सिनेटमा दुई हप्ता लामो अनुसन्धानपछि उनलाई आरोप मुक्त गरिदिएको थियो । ट्रम्प रिपब्लिकन दलबाट राष्ट्रपति निर्वाचित भएका हुन् । उक्त अनुसन्धान युक्रेनमा मात्रै सीमित नभएर राजनीतिक हस्तक्षेपका अन्य उदाहरणहरू पनि हेरिएको भए त्यसको नतिजा फरक हुन सक्ने बोल्टनले बताएका छन् ।

उनले सन् २०१८ को एप्रिल महिनामा ह्वाइट हाउसमा पद सम्हालेका थिए। करिब डेढ वर्षपछि उनले राष्ट्रिय सुरक्षा सल्लाहकारको पदबाट राजीनामा दिने निर्णय गरेका थिए । तर ट्रम्पले भने आफू बोल्टनसँग असहमत रहेका कारण उनलाई पदबाट बर्खास्त गरेको गरेको बताएका थिए।
गत वर्ष जापानमा जी २० अर्थात् विश्वका २० प्रमुख अर्थतन्त्रहरूको सम्मेलनका बेला ट्रम्प र सीबीच कुराकानी भएको थियो । त्यस बेला चीनका केही अमेरिकी आलोचकहरू नयाँ शीतयुद्धको पक्षमा देखिएको गुनासो गरेको द न्यूयोर्क टाइम्स पत्रिकामा प्रकाशित उक्त पुस्तकको एउटा अंशमा उल्लेख गरिएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
२४ रुसी कूटनीतिज्ञलाई देश छोड्न अमेरिकी आदेश

अमेरिकी सरकारले २४ रुसी कूटनीतिज्ञलाई देश छोड्न आदेश दिएको छ । उनीहरुको प्रवेशाज्ञा

भारतमा थप ३० हजारलाई कोरोना संक्रमण

भारतमा कोरोना भाइरसबाट थप ३० हजार ५४९ जना सङ्क्रमित भएका छन् । कोरोना

प्रान्तीय राजधानी कब्जा गर्ने तालिबानको प्रयास, हेल्मण्ड सहरमा भीषण लडाइँ

तालिबानको नियन्त्रणमा पुग्नसक्ने पहिलो प्रान्तीय राजधानी हुनसक्ने खतराबीच अफगानिस्तानको एउटा मुख्य सहरमा भीषण

अमेरिकी सेनाको अचानक फिर्तापछि सुरक्षा बिग्रेको अफगान राष्ट्रपतिको भनाइ

अफगानिस्तानका राष्ट्रपति असरफ घानीले अमेरिकाले आफ्नो फौज फिर्ता लिने ‘आकस्मिक’ निर्णय देशको खस्कँदो