भारतमा कोरोना संक्रमितको संख्या तीन लाख नाघ्यो



भारतमा कोरोनाभाइरसबाट तीन लाखभन्दा बढी जना सङ्क्रमित भएका छन् । भारतको आर्थिक राजधानी समेत रहेको मुम्बई सम्मिलित महाराष्ट्र र राजधानी नयाँ दिल्ली कोरोनाको सङ्क्रमणबाट सबैभन्दा बढी प्रभाबित छन् । पछिल्लो चौबिस घण्टामा ३८६ जनाको मृत्यु भएको हो ।

लकडाउन खुकुलो गरेपछि दैनिक औसतमा दश हजार भन्दा बढी नयाँ सङ्क्रमित थपिदै आएको भारतमा पछिल्लो चौबिस घण्टामा करीब १२ हजार नयाँ सङ्क्रमित थपिएका छन् । शुक्रबार एकैदिन ११ हजार ४५८ जना नयाँ सङ्क्रमित थपिएको भारतीय सञ्चारमाध्यमहरुले जनाएका छन् । एकैदिनमा थपिएका नयाँ सङ्क्रमितको संख्या यो अहिलेसम्मकै उच्च हो ।

भारतीय स्वास्थ्य मन्त्रलायका अनुसार भारतमा कोरोना सङ्क्रमितको संख्या तीन लाख आठ हजार ९९३ पुगेको छ । संयुक्त राज्य अमेरिका, रुस र ब्राजिल तीन लाख सङ्क्रमित भएका राष्ट्र हुन । तीनवटै राष्ट्रको अपेक्षा भारतको जनसंख्या अत्याधिक बढी रहेको छ । राजधानी नयाँ दिल्लीमा पछिल्लो १२ दिनमा सङ्क्रमित हुनेको संख्या २१ प्रतिशतले बढेको छ । नयाँ दिल्लीमा सङ्क्रमित हुने ३६ हजार ८२४ छन् । आर्थिक राजधानी महाराष्ट्रमा एक लाख एक हजार १४१ जना सङ्क्रमित छन् ।

भारतमा पहिलो सङ्क्रमित फेला परेको ७८ दिनपछि एक लाख सङ्क्रमित पुगेको थियो । दोस्रो एक लाख पुग्न मात्र १५ दिन लागेको छ ।
भारतीय स्वास्थ्य मन्त्रालयको तथ्याङ्क बमोजिम कोरोनाभाइरसका एक लाख ५४ हजार ३२९ जना बिरामी कोरोनामुक्त भएका छन् । सक्रिय बिरामीको संख्या एक लाख ४५ हजार ७७९ रहेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
भारतमा थप ४१ हजारलाई कोरोना संक्रमण

भारतमा थप ४१ हजारभन्दा बढी व्यक्ति कोरोनाभाइरसबाट सङ्क्रमित भएका छन् । सरकारी अधिकारीले

बङ्गलादेशमा सङ्क्रमण दर बढेपछि लकडाउनमा थप कडाइ

बङ्गलादेशमा पछिल्ला केही दिनयता हरेक दिनजसो कोरोना भाइरसका सङ्क्रमित भेटिने क्रम बढ्दै गएपछि

राष्ट्रसंघद्वारा अफगानिस्तानमा भएको हमलाको निन्दा

संयुक्त राष्ट्रसङ्घका महासचिव एन्टोनियो गुटर्रेसले अफगानिस्तानको हेरातमा भएको हमलाको निन्दा गरेका छन् ।

इराकमा आइएसद्वारा आठ मलामीको हत्या

इराक राजधानी बगदादबाट उत्तरी क्षेत्रमा अतिवादी आइएसले मलामी गएका व्यक्तिमाथि बम आक्रममण गरेका