दोस्रो लहरको सङ्क्रमणको डरका कारण विश्वभरि शेयर बजारमा गिरावट



कोरोनाभाइरस सङ्क्रमणका घटना बढेमा त्यसले अर्थतन्त्रमा पार्ने प्रभावको चिन्तालाई लिएर आर्थिक बजारहरू ओरालो लागेका छन् । अमेरिकी अर्थतन्त्रमा सुधार आउन लामो समय लाग्न सक्ने त्यहाँको केन्द्रीय ब्याङ्कको चेतावनीपछि विश्व बजारमा गिरावट देखिएको हो । अमेरिकाका वित्तीय सूचकहरूले केही हप्तायताकै नराम्रो दिन देखेका छन्।

डाव जोन्सको औद्योगिक सूचकमा करिब ७ प्रतिशतले गिरावट आएको छ । तेलको मूल्यमा ठूलो क्षति भइरहँदा ऊर्जा तथा यात्रासम्बन्धी स्टकमा सबैभन्दा बढी क्षति पुगेको छ । यसअघि युरोपेली तथा एशियाली शेयर बजारमा गिरावट आएको थियो। बेलायतको फुट्सी हन्ड्रेड करिब ४ प्रतिशतले ओरालो लागेको छ ।

जर्मनीको डाक्स ४.४ प्रतिशतले र फ्रान्सको सीएसी फोटी पनि ४.४ प्रतिशतले खस्केको छ । ‘सरकार, कम्पनी र मानिसहरू दोस्रो लहरको सङ्क्रमणका लागि पहिलोभन्दा अझ राम्ररी तयार हुनेछन्,’ युरोपेली शेअर मामिलासम्बन्धी विज्ञ रोलान्ड कलोयानले भने । कोरोनाभाइरस सङ्क्रमण नियन्त्रण तथा रोकथामका लागि चालिएका कदमहरू खुकुलो पारिएपछि अर्थतन्त्र तङ्ग्रिन सक्ने आशाबीच शेयर मूल्यमा वृद्धि भएको थियो ।

अमेरिकी रोजगारदाताहरूले मे महिनामा कर्मचारीहरू लिन थालेको आशर्चयजनक रिपोर्टपछि गत हप्ता नास्डाकले नयाँ उचाइ लिएको थियो । तर सावधानीपूर्ण सुधार देखियो । बिहीबार अमेरिकी श्रम मन्त्रालयले जनाए अनुसार गत हप्ता थप १५ लाख व्यक्तिले बेरोजगारी भत्ता पाउनका लागि आवेदन दिएका छन् ।

तीन करोडभन्दा बढी मानिसले त्यो सुविधा लिइरहेको उसले जनाएको छ । बैंकसम्बन्धी नीतिकारहरूले बुधवार जनाए अनुसार यो वर्षको अन्त्यसम्म बेरोजगारी दर ९ प्रतिशतभन्दा माथि रहन सक्छ । अमेरिकाका थुप्रै राज्यहरूले व्यापार(व्यवसाय खोल्न थालेका छन् र एरिजोना तथा क्यालिफोर्निया सहितका राज्यमा पछिल्ला दिनमा कोरोनाभाइरस सङ्क्रमणका घटनामा वृद्धि देखिएको छ । डाउव ६.९ प्रतिशतले ओरालो लागेको छ भने नास्डाक ५.२ प्रतिशतले झरेको छ ।

अमेरिकी अर्थमन्त्री स्टिभन मनुसिनले लकडाउन फेरि लगाइएको देख्न नचाहेको बताए । लकडाउनले विश्वकै सबैभन्दा ठूलो अर्थतन्त्रलाई यो वसन्तमा हप्तौँसम्म ठप्प बनाएको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
मुलुकको आर्थिक बृद्धिका लागि सबै क्षेत्रमा परिवर्तन आवश्यकः मोदी

भारतका प्रधानमन्त्री नरेन्द्र मोदीले देशको आर्थिक बृद्धिका लागि सवै क्षेत्रमा परिवर्तन आवश्यक भएकोमा

पोल्याण्डमा राष्ट्रिय रंगशालालाई नै बनाइयो अस्थायी अस्पताल

कोरोनाभाइरसको महामारीका कारण अस्पताल अपुग भएपछि पोल्याण्ड सरकारले खेल मैदानलाई पनि अस्पतालमा रुपान्तरण

भियतनाममा बाढीमा परी कम्तिमा ९० जनाको मृत्यु

गएको कम्तीमा पनि दुई हप्तायतादेखि भियतनाममा जारी रहेको बाढी र पहिरोका कारण कम्तीमा

जापान र भियतनामबीच प्रतिरक्षा सहयोग आदानप्रदान गर्ने सहमति

जापान र भियतनामबीच रक्षा र सुरक्षा सहयोग बढाउन तथा दुई देशबीच प्रत्यक्ष हवाई