इन्डोनेशियाको एक इनारमा खसेका ब्रिटिश नागरिकको ६ दिनपछि सकुशल उद्धार



इन्डोनेशियाको बालीमा एउटा इनारमा खसेका एक ब्रिटिश नागरिकको छ दिनपछि सकुशल उद्धार गरिएको छ । कुकुरले लखेट्दा २९ वर्षीय ज्याकोब रोबर्ट्स पेकाटु गाउँमा रहेको चार मिटर गहिरो इनारमा खसेका थिए र उनको खुट्टा भाँच्चियो ।

इनारमा धेरै पानी नभएको र त्यो सुक्न लागेको भएपनि खुट्टा भाँच्चिएका कारण उनी उक्लेर बाहिर निस्कन नसकेको स्थानीय अधिकारीलाई उद्धृत गर्दै समाचारसंस्था एएफपीले लेखेको छ ।

प्रत्यक्षदर्शीहरूका अनुसार इनारमा अलिकति पानी भएका कारण रोबर्ट्स जीवितै रहन सके । सुनसान क्षेत्रमा आफ्नो गाईवस्तुलाई घाँस खोजिरहेका एक स्थानीय बासिन्दाले रोबर्ट्सले चिच्याएर सहयोग मागेको सुने र स्थानीय निकायलाई जानकारी गराएको बाली सन पत्रिकाले लेखेको छ ।

स्थानीय उद्धार अधिकारी गेडे डारमडाका अनुसार तीन जना उद्धारकर्ताले एउटा स्ट्रेचरको सहायताले रोबर्ट्सलाई बाहिर निकालेका थिए । रोबर्ट्सलाई स्थानीय अस्पतालमा लगिएको छ ।

बालीको चर्चित पर्यटकीय क्षेत्र नुसा डुआको नजिकै पेकाटु गाउँ रहेको छ । रोबर्ट्स किन सो गाउँमा पुगे भन्ने स्पष्ट छैन । बाली कोरोनाभाइरसका कारण महिनौँदेखि लकडाउनमा छ र केही पर्यटकीय स्थानहरू बल्ल बिस्तारै खुल्न थालेका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
आगामी महिना कोरोनाको समस्या थप बढ्ने डब्लुएचओको चेतावनी

विश्व स्वास्थ्य संगठन डब्लुएचआका महानिर्देशक टेड्रस आधनाम गेब्रेयसले आगामी महिनाहरुमा कोभिड १९ को

रुसले निर्माण गरेको कोभिड १९ विरुद्धको खोपको परीक्षण भारतमा पनि गरिने

रुसले निर्माण गरिरहेको कोभिड १९ विरुद्धको खोप ‘स्पुतनिक भी’ को परीक्षण भारतमा पनि

लिवियाली द्वन्द्वरत समूहबीच स्थायी युद्धविरामका लागि हस्ताक्षर

लिवियाका दुई प्रतिद्वन्द्वी समूहहरूले स्थायी युद्धविराम सम्झौतामा हस्ताक्षर गरेका छन् । संयुक्त राष्ट्रसंघको

जापान र बेलायतबीच स्वतन्त्र व्यापार सम्झौता, करिब २० अर्ब डलर व्यापार वृद्धि हुने अपेक्षा

जापान र बेलायतबीच द्विपक्षीय स्वतन्त्र व्यापार सम्झौतामा हस्ताक्षर भएको छ । युरोपेली युनियनबाट