हत्याको विरोधमा अमेरिकाभर विरोध प्रदर्शन



सुरक्षाकर्मीको नियन्त्रणमा रहेका एकजना अफ्रिकी मूलका अमेरिकी नागरिक जर्ज फ्लोयडको मृत्युलाई लिएर अमेरिकाभर विरोध प्रदर्शन भएको छ । अमेरिकाको मिनेसोटा, न्युर्योक र क्यालिफोर्नियामा विरोध प्रदर्शन भएको हो । ह्वाइट हाउस अगाडि सयौँको सङ्ख्यामा सर्वसाधारण जम्मा भएर घटनाको अनुसन्धान गरी जर्ज फ्लोयडलाई न्याय दिन माग गरेका छन् ।

घटनामा संलग्न मिनियापोलिस प्रहरीका एकजना अधिकारी डेरेक चौभिनलाई नियन्त्रणमा लिएर हत्याको मुद्दा चलाइएको छ । मिनियापोलिस र सैन्टपौलमा विरोध उग्र भएपछि राति आठ बजेदेखि बिहान छ बजेसम्म कर्फ्यु लगाइएको छ । यसअघि सन् २०१४ मा न्युर्योकमा प्रहरी नियन्त्रणमा रहेका अफ्रिकी मूलका अमेरिकी नागरिक एरिक गार्नरको मृत्युपछि पनि व्यापक विरोध भएको थियो ।

गोरा समुदायको डेरेक चौभिनले हत्कडी लगाएर नियन्त्रणमा लिएका फ्लोयडलाई भुइँमा खसाल्दै घाँटीमा घुँडाले च्यापिरहँदा मृत्यु भएको थियो । अफ्रिकी मूलका ४५ वर्षीय फ्लोयडले आफूलाई श्वास लिन असहज भएको भन्दै पटक पटक प्रहरी अधिकारी चौभिनलाई मुक्त गर्न आग्रह गरेका थिए । तर बेहोस भएका उनलाई अस्पताल पुर्याउँदै गर्दा मृत्यु भएको थियो ।

सोमबार भएको उक्त घटनाको भिडियो तात्कालै सार्वजनिक भएपछि अमेरिकामा देशव्यापी विरोध प्रदर्शन सुरु भएको हो । घटनाका आरोपित चौभिनलाई सोमबार मिनियापोलिस अदालतमा उपस्थित गराइनेछन् । राष्ट्रपति डोनाल्ड ट्रम्पले उक्त घटनाको निन्दा गर्दै भयावह भएको टिप्पणी गरेका छन् ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
बेलायतमा पाँचमध्ये एक शिक्षक विद्यार्थीको दुव्र्यवहार सामना गर्न बाध्य

बेलायतका लगभग पाँच मध्ये एक शिक्षकले आफू विद्यार्थीबाट दुर्ब्यवहारको सिकार भएको बताएका छन्

दक्षिण अफ्रिकामा ४६ यात्रु सवार बस दुर्घटना हुँदा ४५ जनाको मृत्यु

दक्षिण अफ्रिकामा बस दुर्घटना हुँदा ४५ जनाको मृत्यु भएको छ । जोहानेसबर्गबाट करिब

अस्पताल परिसरमा इजरायली कारबाही, दुईसय जनाको मृत्यु

हमासका वरिष्ठ व्यक्तिहरू भित्र रहेको सुराकीपछि गाजामा रहेको सबैभन्दा ठूलो शिफा अस्पतालमा इजरायलले

रूसी सेनाको विमान क्रिमियाली क्षेत्रमा दुर्घटनाग्रस्त

रूसी सेनाको एउटा विमान क्रिमियाली प्रायद्वीपनजिकको समुद्रमा दुर्घटनाग्रस्त भएको युक्रेनको नियन्त्रणमा रहेको क्रिमियाली