बेलायतमा लकडाउन केही खुकुलो हुने
बेलायती प्रधानमन्त्री बेरिस जोन्सनले कोरोना महामारीका कारण गरिएको लकडाउनलाई केही खुकुलो बनाउने संकेत गरेका छन् ।
मंगलबार आयोजित पत्रकार सम्मेलनमा प्रधानमन्त्री जोन्सनले १५ जुनपछि अति आवश्यक खुद्रा पसलहरु खोल्न दिने बताएका हुन् । ।
तर खोल्नका लागि सरसफाई र सामाजिक दूरीमा ध्यान दिनुपर्ने उनले बताए । उनले आउटडोर बजार तथा कार शो रुमहरु जुन १ बाट खोलिने बताए ।
यसअघि बोरिसले देश अब कोरोना महामारीसँग जुध्न दोस्रो चरणका लागि तयारी अवस्थामा रहेको बताएका थिए । उनले जुन १ देखि इग्ल्याण्डमा बच्चाहरुको स्कुल खोल्ने बताए । बेलायतको स्वास्थ्य विभागका अनुसार गत २४ घण्टामा बेलायतमा १ सय २१ जनाले कोरोनाको कारण मृत्यु भएको छ ।
योसँगै बेलायतमा कोरोनाका कारण मर्नेको संख्या ३६ हजार ९ सय बढी पुगेको छ ।
