भारतमा कोराना संक्रमितको संख्या एक लाख नाघ्यो

भारतमा कोरोना संक्रमितको संख्या १ लाख नाघेको छ । पछिल्लो समय द्रुत गतिमा फैलिएको संक्रमणका कारण भारतमा कोरोना संक्रमितको संख्या १ लाख नाघेको हो ।

मंगलबार बिहानसम्म भारतमा १ लाख ३११ जनामा कोरोना पुष्टि भएको भारतीय संचारमाध्यमले जनाएका छन् ।
भारतमा कोरोना संक्रमणबाट ३ हजार ८१ जनाको मृत्यु भइसकेको छ । पछिल्लो २४ घण्टामा भारतमा ४ हजार ६४२ कोरोना संक्रमित थपिएका छन् । ३९ हजार २३३ संक्रमित निको भएर घर फर्किसकेका छन् ।