कोरोना संक्रमणबाट विश्वमा दुई लाख ८६ हजार भन्दा बढीको मृत्यु

विश्वमा कोरोना भाइरसको संक्रमणबाट मृत्यु हुनेको संख्या २ लाख ८६ हजार नाघेको छ । मंगलबार बिहानसम्म मृत्यु हुनेको संख्या २ लाख ८६ हजार ९ सय नाघेको छ । पछिल्लो २४ घण्टामा कोरोनाबाट ३ हजार २ सय ५२ जनाको मृत्यु भएको छ ।

अमेरिकामा मृत्यु हुनेको संख्या ८१ हजार ७ सय ५९ पुगेको छ । स्पेनमा २६ हजार ७ सय जनाको मृत्यु भएको छ भने २ लाख ६८ हजार संक्रमित छन् । बेलायमा ३२ हजारको मृत्यु भएको भने रुसमा एकै दिन ११ हजार ६ सय संक्रमित थपिएका छन् । रुसमा संक्रमितको संख्या २ लाख २१ हजार नाघेको छ । भारतमा २२ सयको मृत्यु भएको छ भने संक्रमितको संख्या ७० हजार नाघेको छ ।