इरानी सेनाले हानेको क्षेप्यास्त्र लागेर १९ सैनिकको मृत्यु

ओमनको खाडीमा जारी सैन्य अभ्यासका इरानी सेनाले हानेको क्षेप्यास्त्र भूलवश आफ्नै जहाजमा ठोक्किँदा १९ जनाको मृत्यु भएको छ भने १५ जना घाइते भएका छन् । इरानी संचारमाध्यमका अनुसार नयाँ एन्टिशिप मिसाइल परीक्षणका क्रममा घटना भएको हो ।

हर्मुज स्ट्रेटनजिकै भइरहेको उक्त अभ्यासका क्रममा सेनाले हानेको मिसाइल सैन्य उपकरण बोक्ने जहाजमा ठोक्किएको बताइएको छ। अभ्यासमा जामरान र कोणार्क नामका दुई जहाज सामेल थिए ।