मुस्तफा खादिमी इराकको प्रधानमन्त्रीमा निर्वाचित
इराकका पूर्व गुप्तचर प्रमुख मुस्तफा खादिमी प्रधानमन्त्रीमा निर्वाचित भएका छन् । खादिमीलाई इराकको संसदले बिहीबार प्रधानमन्त्रीमा निर्वाचित गरेको हो । तत्कालिन प्रधानमन्त्री अदेल अब्दुल मेहदीले राजिनामा दिएपछि लामो समयपछि उनी प्रधानमन्त्रीमा नियुक्त भएका हुन् ।
इराकमा लामो समयदेखि कामचलाउ प्रधानमन्त्रीको भरमा सरकार सञ्चालन भइरहेको थियो भने सरकार विरोधी प्रदर्शनहरु पनि भइरहेका थिए । प्रदर्शनकारीहरुले रोजगारी र सुशासनको माग गरेका थिए ।
उनीहरुले भ्रष्टाचार अन्त्य गर्न र सरकारका काम कारबाही राम्रो बनाउन आग्रह गर्दै आएका थिए । प्रधानमन्त्रीमा निर्वाचित भएपछि खादिमीले इराकको सुरक्षा, समृृद्धि र उत्थानका लागि संसदले आफुलाई प्रधानमन्त्रीमा निर्वाचत गरेको बताएका छन् । उनी अमेरिका पक्षीय मानिन्छन् ।
