विश्वमा ३४ लाख ८० हजार कोरोना संक्रमित

कोरोना संक्रमणबाट विश्वमा मृत्यु हुनेको संख्या २ लाख ४४ हजार नाघेको छ । त्यस्तै कोरोना संक्रमितको संख्या ३४ लाख ८० हजार पुगेको छ । अमेरिकामा कोरोना भाइरसका कारण मृत्यु हुनेको संख्या ६७ हजार ४ सय पुगेको छ ।

अमेरिकामा पछिल्लो समय मृत्युदरमा कमी आएको छ । पछिल्लो २४ घण्टामा अमेरिकामा १६ सय ४७ जनाको मृत्यु भएको छ । त्यस्तै अमेरिकामा संक्रमितको संख्या ११ लाख ५९ हजार नाघेको छ । स्पेनमा मृत्यु हुनेको संख्या २५ हजार, इटालीमा २८ हजार ७ सय, बेलायतमा २८ हजार पुगेको छ । भारतमा संक्रमितको संख्या करिव ४० हजार पुगेको छ भने मृत्यु हुनेको संख्या १३ सय नाघेको छ ।