रुसका प्रधानमन्त्री मिसुस्टिनलाई कोरोना संक्रमण
रुसी प्रधानमन्त्री मिखाइल मिसुस्टिनलाई कोरोना भाइरसको संक्रमण पुष्टि भएको छ । कोरोना भाइरस पोजेटिभ आएपछि उनलाई अस्पतालमा राखिएको छ । प्रधानमन्त्री मिखाइलले भिडियो कलमार्फत राष्ट्रपति भ्लादिमिर पुटिनलाई आफूलाई कोरोना भाइरसको संक्रमण भएको जानकारी गराएका छन् ।
पुटिनले मिसुस्टिनलाई भएको संक्रमण जो कोहीलाई पनि हुन सक्ने भन्दै शीघ्र स्वास्थ्यलाभको कामना गरेका छन् । रुसमा कोरोना सक्रमणबाट एक हजार भन्दा बढीको मृत्यु भएको छ भने एक लाख भन्दा धेरै मानिसमा कोरोना भाइरसको संक्रमण देखिएको छ ।