कोरोना संक्रमणबाट अमेरिकामा ४९ हजार भन्दा बढीको मृत्यु, संक्रमितको संख्या ८ लाख ८० हजार
कोरोना संक्रमणबाट विश्वमा मृत्यु हुनेको संख्या एक लाख ९० हजार नाघेको छ । पछिल्लो २४ घण्टामा कोरोना संक्रमणबाट विश्वभर ६ हजार ५ सय ६९ जनाको मृत्यु भएको छ । योसँगै मृत्यु हुनेको संख्या १ लाख ९० हजार ४ सय नाघेको छ ।
विश्वभर कोरोना संक्रमितको संख्या २७ लाख १६ हजार ३ सय नाघेको छ । पछिल्लो २४ घण्टामा सबैभन्दा बढी अमेरिकामा २ हजार ३ सय २२ जनाको मृत्यु भएको छ ।
यो सँगै अमेरिकामा कोरोना संक्रमणको कारण मृत्यु हुनेको संख्या ४९ हजार ८ सय ४२ पुगेको छ । अमेरिकामा संक्रमितको संख्या ८ लाख ८० नाघेको छ । त्यसैगरी इटालीमा मृत्यु हुनेको संख्या २५ हजार ५ सय ४९, स्पेनमा २२ हजार, फ्रान्समा २१ हजार ८ सय ५६ पुगेको छ ।