अमेरिकामा पछिल्लो २४ घण्टामा कोरोना संक्रमणबाट १९ सय भन्दा बढीको मृत्यु
विश्वमा कोरोना भाइरसका कारण मृत्यु हुनेको संख्या १ लाख ७० हजार नाघेको छ । पछिल्लो २४ घण्टामा कोरोना संक्रमणबाट विश्वभर ५ हजार ३ सय ३९ जनाको मृत्यु भएको छ ।
संक्रमितको संख्या २४ लाख नाघेको छ । कोरोना संक्रमणबाट अमेरिकामा एकै दिन १९ सय भन्दा बढीको मृत्यु भएको छ । योसँगै अमेरिकामा मृतकको संख्या ४२ हजार नाघेको छ भने संक्रमितको संख्या आठ लाख पुगेको छ ।
इटालीमा मृतकको संख्या २४ हजार नाघेको छ भने स्पेनमा अहिलेसम्म २० हजार ८ सय ५२ जनाको मृत्यु भएको छ । छिमेकी मुलुक भारतमा पछिल्लो २४ घण्टामा कोरोना भाइरस संक्रमित ४७ जनाको मृत्यु भएको छ ।
भारतको स्वास्थ्य मन्त्रालयले पछिल्लो २४ घण्टामा ४७ जना संक्रमितको मृत्यु भएको जानकारी दिएको छ । योसँगै भारतमा कोरानाभाइरसको संक्रमणबाट मृत्यु हुनेको संख्या पाँच सय ९० पुगेको छ । भारतमा ंक्रमितको संख्या १८ हजार छ सय एक पुगेको छ ।