महामारी फैलिएको न्यूयोर्कमा अब अनलाइन विवाह गर्न पाइने



कोरोनाभाइरस सङ्क्रमणको महामारी नियन्त्रण गर्ने प्रयासस्वरूप न्यूयोर्कमा लकडाउन लगाइएसँगै धेरै वैवाहिक कार्यक्रम स्थगित भएपछि त्यहाँका गभर्नर एन्ड्रू कोउमोले अनलाइन विवाहलाई अनुमति दिने आदेशमा हस्ताक्षर गरेका छन् । अब न्यूयोर्कमा विवाहका लागि अनलाइनबाटै आवेदन दिन पाइनेछ । सम्बन्धित अधिकारीहरूले पनि विवाहको ’भर्चूअल’ कार्यक्रम सञ्चालन गर्न पाउनेछन् ।

अनलाइन विवाहबारे निर्णय गरिसकेपछि कोउमोले ठट्टा गर्दै अब विवाह नगर्न “कुनै बहाना नभएको“ बताएका थिए । “तपाईँ ’जूम’बाटै गर्न सक्नुहुन्छ। हो कि होइन?“ उनले भने । आगामी मे १५ तारिखसम्म न्यूयोर्कमा प्रतिबन्धात्मक व्यवस्था लागु गर्ने निर्णय भएसँगै यस्तो कदम चालिएको हो। कोरोनाभाइरसको सङ्क्रमणका कारण हालसम्म न्यूयोर्कमा १४ हजार भन्दा बढी मानिसले ज्यान गुमाइसकेका छन् ।

सामाजिक सञ्जालमा भने विवाहसम्बन्धी उक्त निर्णयबारे मिश्रित प्रतिक्रिया देखिएको छ । परिवारका सदस्य तथा इष्टमित्र सहभागी हुन नसक्ने अवस्थामा विवाह समारोह आयोजना गर्ने विचार किन गर्ने भन्दै कतिपयले प्रश्न सोधेका छन् ।

अन्य निर्णयलाई प्राथमिकतामा राख्न नसकेको भन्दै गभर्नरको आलोचना पनि भएको छ । तर केहीले भने महामारीका बेला विवाहले स्वास्थ्य बीमाबाट व्यावहारिक लाभ हुन सक्ने औँल्याएका छन् ।

कानुनी रूपमै विवाह सम्पन्न गराउन इन्टरनेटको सहायता लिने स्थानमा न्यूयोर्क मात्रै छैन । संयुक्त अरब इमिरेट्स (यूएई)ले पनि आफ्ना देशका नागरिक तथा त्यहाँ बस्दै आएका व्यक्तिले अनलाइन मार्फत विवाह गर्न पाउने घोषणा गरेको छ ।

यस्तै किसिमको व्यवस्था अर्को अमेरिकी राज्य कोलराडोमा पनि लागु गरिएको छ। त्यहाँ जोडीहरूलाई विवाहका लागि अनलाइनबाटै आवेदन दिन मिल्ने व्यवस्था मिलाइएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अमेरिकाको नजर आगामी सातासम्ममा इजरायल–हमास युद्धविरामतिर

  अमेरिकी राष्ट्रपति जो बाइडेनले इजरायल र हमासबीच नयाँ युद्धविराम सोमबारदेखि सुरु हुनसक्ने

कामको प्रलोभनमा एजेन्टहरूले भारतीय युवालाई रुसी सेनामा भर्ती गरेको खुलासा

बीबीसी । कामको प्रलोभनमा आफूलाई एजेन्टहरूले रुस बोलाएर सेनामा भर्ती गराएको भारतीय केही

टर्कीमा खानीमा फसेका ४ जना कामदारको उद्धार

टर्कीको पूर्वी प्रान्त एलाजिगमा क्रोमाइट खानी भत्किँदा थुनिएका सबै कामदारहरूलाई उद्धार गरेको ऊर्जा

कंगोको सीमा नजिकै पश्चिम बुरुन्डीमा भएको आतङ्कवादी आक्रमणमा परी ९ जनाको मृत्यु

पश्चिमी बुरुन्डीमा भएको आतङ्कवादी आक्रमणमा परी ९ जनाको मृत्यु भएको छ । प्रजातान्त्रिक