भारतको महाराष्ट्रमा कोरोना सङ्क्रमित बढ्दै



भारतको महाराष्ट्रमा ‘कोभिड १९’ का सङ्क्रमितहरु दिन प्रतिदिन बढ्दै गएको देखिएको छ । सङ्क्रमितहरुको संख्या त्यहाँ १ हजार ७८ जना पुगेको बताइएको छ । आजमात्र महाराष्ट्रमा कोभिड १९ का ६० जना संक्रमित भेटिएका छन् । योसँगै महाराष्ट्रमा कोभिडका संक्रमितहरुको संख्या एक हजार नाघेको बताइएको छ ।

यसरी भारतका अरु राज्यहरुको तुलनामा महाराष्ट्र सबैभन्दा बढी प्रभावित भएको देखिएको जनाइएको छ । बुधबार भेटिएका ती ६० जनामा ४४ जना स्थानीय मानिसबाट मानिसमा सरेको पाइएको हो । ती ६० मध्येका ४४ जना ‘बृहनमुम्बई म्युनिसिपल कर्पाेरेसन’ क्षेत्रका भएका पाइएको यहाँको स्थानीय सरकारी अस्पतालका एक प्रवक्ताले जनाएका छन् ।

भारतमा योसँगै पछिल्लो २४ घन्टाभित्र मात्र ७७३ जना सङ्क्रमित भेटिएका छन् । भारतमा एकै दिनमा यतिधेरै विरामी भेटिएको यो नै पहिलो घटना भएको अधिकारीहरुको भनाई छ । भारतमा बुधबारसम्म ५ हजार १९४ जना सङ्क्रमित पाइएका छन् । भारतको स्वास्थ्य तथा परिवार कल्याण मन्त्रालयले यो कुराको जानकारी दिएको हो । यसरी भारतमा केही दिनयता बढ्दो रुपमा यसका सङ्क्रमितहरु देखिएका पनि बताइएको छ । यहाँका ४०१ जना सङ्क्रमित भने उपचार पछि निको भएर घर फर्किएका छन् ।

यसरी हेर्दा अहिले पनि भारतमा ४ हजार ६४३ जना विरामी अस्पतालमा उपचाररत छन् । मन्त्रालयले बुधबार दिएको जानकारीअनुसार यहाँ गएको २४ घन्टा भित्रमात्र मृत्यु हुनेको संख्या १० रहेको छ । आजमात्र १० जना कोरोना संक्रमणबाट मृत्यु भएको स्वास्थ्य अधिकारीहरुले पुष्टि गरेका छन् । यसरी भारतमा कोरोना संक्रमणबाट ज्यान गुमाउनेको संख्या १४९ जना पुगेको बताइएको छ ।

महाराष्ट्रपछि सबैभन्दा बढी विरामी तालिनाडूमा छन् । तामिलनाडूमा कोरोना संक्रमण भएका व्यक्तिको संख्या ६९० रहेको छ ।

त्यसपछिका बढी संक्रमित नयाँ दिल्लीमा छन् । नयाँ दिल्लीमा यसका संक्रमितको संख्या ५७६ रहेको छ । भारतमा यसरी दिन प्रतिदिन नयाँ नयाँ संक्रमितहरु थपिँदै जानु बडो चुनौतीपूर्ण भएको यहाँका स्वास्थ्य अधिकारीहरुले जनाएका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अमेरिकाले ताइवानमा युद्ध भड्काउन खोजेको महाथिरको आरोप

मलेसियका पूर्वप्रधानमन्त्री महाथिर मोहम्मदले ताइवानमा अमेरिकाले युद्ध भड्काउन खोजेको आरोप लगाएका छन् ।

अष्ट्रेलियाले श्रीलङ्कालाई थप दुई करोड ५० लाख डलर सहयोग गर्ने

अस्ट्रेलियाले श्रीलङ्कालाई अत्यावश्यक खाद्यान्न र स्वास्थ्य सेवाको आवश्यकता पूरा गर्न थप दुई करोड

पुटिन र सी बालीमा हुने जी–२० शिखर सम्मेलनमा सहभागी हुने

इन्डोनेसियाका राष्ट्रपति जोको विडोडोले रूसी राष्ट्रपति भ्लादिमिर पुटिन र चिनियाँ राष्ट्रपति सी चिनफिङले

सार्वभौमिकताको रक्षा गर्ने सङ्कल्पलाई गलत अनुमान नगर्न अमेरिकालाई चीनको चेतावनी

चीनले सार्वभौमिकता र क्षेत्रीय अखण्डताको रक्षा गर्ने सङ्कल्पलाई गलत अनुमान नगर्न अमेरिकालाई चेतावनी