चिनियाँ राष्ट्रपति सी वुहानमा

चिनियाँ राष्ट्रपति सी जिनपिङ कोरोना भाइरसको उद्गमस्थल हुवेई प्रान्तको वुहान पुगेका छन् । राष्ट्रपति सी मंगलबार बिहान वुहान पुगेका हुन् । वुहानमा उनले त्यहाँ कोरोनाविरूद्ध लडिरहेका स्वास्थ्यकर्मी, सैनिक कमाण्डरलगायतसँग छलफल गरेका छन् ।

वुहानमा डिसेम्बर अन्तिम सातादेखि कोरोना भाइरस देखिन थालेको हो कोरोना भाइरसको ठूलो संकट बेहोरेको चीनले पछिल्ला दिनमा भाइरस नियन्त्रणमा ठूलो सफलता पाएको छ । सोमबार चीन जम्मा १९ जनामा मात्र कोरोनाभाइरसको नयाँ संक्रमण भेटिएको छ । चीनभित्र संक्रमित भएका १७ जना सबै कोरोना भाइरसको उदगम स्थल हुवेई प्रान्तको राजधानी वुहान सहरका नागरिक हुन् ।