इस्तानबुलमा अवतरणका क्रममा धावनमार्गमा विमान चिप्लिएर दुर्घटना हुँदा तीन जनाको मृत्यु
टर्कीको राजधानी इस्तानबुलमा अवतरण गर्ने क्रममा एउटा विमान धावनमार्गमा चिप्लिएर दुर्घटना भएको छ । दुर्घटनामा तीन जनाको मृत्यु भएको छ भने अरु सबै घाइते भएका छन् ।
द पेगासस एयरलाइन्सको सो विमानमा १७१ यात्रु र चालकदलका ६ जना सदस्य सवार थिए । देशको पश्चिममा रहेको इजमिर प्रान्तबाट आएको सो विमान सबिहा गोकसेन विमानस्थलमा दुर्घटनाग्रस्त भएको हो ।
बोइङ ७२७ विमान भारी हावा र वर्षाकाबीच विमानस्थलमा अवतरण हुने प्रयासमा थियो । घटनापछि विमानस्थल बन्द गरेर अन्य उडानहरूलाई अन्यत्र मोडिएको थियो । विमानमा सवार अधिकाशं यात्री टर्किस नागरिक हुन् भने जसमा २० जना विदेशी नागरिक रहेका छन् ।
