जापानी अर्बपतिद्वारा प्रेमिकासँग चन्द्रमाको सहयात्रा गर्ने अभियान स्थगित



स्पेसएक्स मिशनको पहिलो अन्तरिक्ष पर्यटकका रूपमा चन्द्रमावरिपरि यात्रा गर्ने योजना बनाएका जापानी अर्बपतिले आफूसँग सहयात्रा गर्ने ‘जीवनसाथी’ को खोजी स्थगित गरेका छन्।

फेशन उद्योगमा महारथी मानिएका युसाकु माइएजावाले २० वर्षमाथिका अविवाहित महिलाहरूलाई “जोडी बाँध्ने” एउटा कार्यक्रममा सहभागी हुन आवेदन दिन आमन्त्रण गरेका थिए।

झन्डै २८,००० महिलाले आवेदन दिएका पनि थिए। तर गत हप्ता उनले आफूलाई “मिश्रित अनुभूति” भएको भन्दै जीवनसँगिनी खोज्ने योजना स्थगित गरेको घोषणा गरे।

उनको सन् २०२३ मा अन्तरिक्षयात्रा गर्ने योजना भने परिवर्तन भएको छैन। उनी अब एक्लै अन्तरिक्ष पर्यटक बन्नेछन्। गत महिना ४४ वर्षीय माइएजावाले एउटा वेबसाइटमा विज्ञापन गरेका थिए।

त्यसमा सर्त र मापदण्डहरूको सूची थियो। आवेदक अविवाहित, २० वर्षमाथि र अन्तरिक्षयात्रा गर्न इच्छुक महिला हुनुपर्ने उल्लेख थियो।

आवेदकमध्ये एक जना मात्रै छानिने र त्यो प्रक्रियामा “फूल मून लभर्स” नामक वृत्तचित्र बनाउने योजना भएको बताइन्छ।

तर उनले ट्विटरमार्फत् सहयात्रीको खोजी नगर्ने घोषणा गरे।

एउटा ट्वीटमा उनले लेखेका छन्, “२७,२२२ महिलाले हार्दिकतापूर्वक र साहसपूर्वक आफ्नो बहुमूल्य समय आवेदन दिन उपयोग गरेको सम्झिँदै मेरो यो स्वार्थी निर्णयबारे जानकारी गराउँदा मलाई एकदमै दु:ख लागेको छ।”

उनी भर्खरै २७ वर्षीया अभिनेत्री आयामे गोरिकीसँग छुट्टिएका थिए। जोजो नामक कम्पनीका संस्थापक तथा प्रमुख माइएजावाले यसअघि पनि अरूको ध्यानाकृष्ट हुने खालका गतिविधि गरेका थिए।

आफ्नो एउटा ट्वीट शेअर गर्ने १०० जना व्यक्तिलाई १० लाख येन बाँड्ने उनको वाचा थियो।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
‘क्वान्टम मेकानिक्स’बारे अध्ययन गर्ने तीन वैज्ञानिकलाई भौतिकशास्त्र तर्फको नोबेल पुरस्कार

यस वर्षको भौतिकशास्त्रतर्फको नोबेल पुरस्कार ’क्वान्टम मेकानिक्स’बारे अनुसन्धान गर्ने तीन जना वैज्ञानिकलाई दिने

अफगानिस्तानमा भएको आत्मघाती हमलामा मृत्यु हुनेको संख्या ५३ पुग्यो

अफगानिस्तानको राजधानी काबुलबाट पश्चिमतर्फको एक सहरमा गत शुक्रबार भएको आत्मघाती हमलामा परेर ज्यान

इक्वेडरको जेलमा भएको दङ्गामा कम्तीमा १५ जनाको मृत्यु

इक्वेडरको मध्य इक्वेडर सहर लाटाकुंगामा रहेको एक जेल दङ्गामा परी सोमबार दिउँसो कम्तीमा

उत्तर कोरियाद्वारा बलिस्टिक क्षेप्यास्त्र प्रहार

उत्तर कोरियाले उत्तरी जापानको एक क्षेत्रमा शङ्कास्पद मध्यम दूरीको बलिस्टिक क्षेप्यास्त्र प्रहार गरेको