कोरोनाभाइरसको संक्रमण बढ्दै गएपछि चीनबाट विदेशीको उद्धार सुरु



चीनमा कोरोनाभाइरस सङ्क्रमितको सङ्ख्या लगातार उकालो लागेर करिब छ हजार पुग्दै गर्दा विभिन्न देशहरूले आफ्ना नागरिकहरूको उद्धार सुरु गरेका छन्।

नयाँ भाइरस सङ्क्रमितहरूको सङ्ख्या ह्वात्तै बढेको अधिकारीहरूले पुष्टि गरेका छन्। त्यो सङ्ख्या १७ वर्षअघि फैलिएको अर्को कोरोनाभाइरस सङ्क्रमण सार्सको भन्दा बढी हो।

अहिलेसम्म यसका कारण १३२ जनाको ज्यान गइसकेको छ। चिनियाँ चिकित्सा अधिकारीहरूले सङ्क्रमितहरूको सङख्या अर्को सातासम्म बढ्ने क्रममा नै रहनसक्ने बताएका छन्।

जापानले उद्धार गरेका जापानीहरूले वुहानबाट टोक्यो पुग्दा आफूहरूले ठूलो राहत पाएको अनुभव साटेका छन्। भाडामा लिइएको एक विशेष विमानमा उनीहरूलाई उडाइएपछि विमान भित्रै उनीहरूको स्वास्थ्य परीक्षण गरिएको थियो।

अमेरिकाले भाडामा लिएको विमान अलास्का पुगेको बताइएको छ। अस्ट्रेलिया, न्यूजील्यान्ड र युरोपेली सङ्घ ईयूले पनि आफ्ना नागरिक वुहानबाट बाहिर लैजाने योजना बनाएको छ।

अस्ट्रेलियाले आफ्ना नागरिकहरूलाई क्रिसमस टापु पुर्‍याएर उनीहरूको स्वास्थ्य जाँच गरेपछि मात्र घर फर्कन दिने योजना बनाएको छ।

चीनमा अहिले ७,००० को आसपास नेपाली नागरिक रहेको नेपाली दूतावास बेइजिङको भनाइ छ। तीमध्ये भाइरस प्रभावित हुबेको वुहान वरपर करिब १०० नेपाली रहेका छन्।

सङ्क्रमण फैलिएपछि केही दिनअघि वुहानमा मृत्यु भएका एक नेपालीको शव समेत नेपाल फिर्ता ल्याउन नसकिएको दूतावासका नियोग उपप्रमुख सुशीलकुमार लम्सालले बताएका थिए।

लम्सालले भने: “हामी चिनियाँ परराष्ट्र मन्त्रालयसँग निरन्तर परामर्शमा छौँ। हामी वुहानका नेपालीहरूसँग पनि निरन्तर सम्वादमा छौँ।”

“आत्तिनु पर्ने अवस्था छैन। हामीले पनि आफ्ना नागरिक नेपाल फिर्ता लैजानेबारे आवश्यक सम्वाद र समन्वय गरिरहेका छौँ।” यसैबीच संयुक्त अरब इमिरेट्स यूएईमा कोरोनाभाइरसको सङ्क्रमण भेटिएको पुष्टि भएको छ।

त्यहाँका स्वास्थ्य अधिकारीहरूका अनुसार सङ्क्रमित व्यक्ति वुहानबाट फर्किएका थिए। उनको अवस्था स्थिर रहेको बताइएको छ।

यसैबीच विश्व स्वास्थ्य सङ्गठनका प्रमुख टेड्रोस एड्हानोम गहब्रहयससले नयाँ भाइरसको सङ्क्रमण रोक्नु डब्लूएचओ र चीनको पहिलो प्राथमिकता भएको बताएका छन्।

डब्लूएचओले महामारी रोक्ने पहललाई सघाउने छिट्टै अन्तर्राष्ट्रिय विज्ञहरूको एक टोली चीन पठाउन लागेको बताएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
भारतीय काँग्रेसको अध्यक्षमा शशी थारुरले उम्मेदवारी दर्ता गर्ने

भारतको प्रमुख प्रतिपक्षी दल भारतीय राष्ट्रिय काँग्रेसको अध्यक्ष पदका लागि वरिष्ठ नेता शशी

यमनको शान्ति प्रक्रियाबारे छलफल

यमनमा शान्ति स्थापनाका लागि संयुक्त राष्ट्रसङ्घीय महासचिव र यमनको राष्ट्रपतीय नेतृत्व परिषदका अध्यक्षका

खाद्य सुरक्षा चीनको आधारभूत चासो होः राष्ट्रपति सी

चिनियाँ राष्ट्रपति एवं चिनियाँ कम्युनिष्ट पार्टी (सीपीसी) केन्द्रीय समितिका महासचिव सी चिनफिङले खाद्य

उत्तर कोरियाद्वारा ब्यालेस्टिक क्षेप्यास्त्र प्रहार

दक्षिण कोरियाले उसको छिमेकी उत्तर कोरियाले आइतबार एक ब्यालेस्टिक क्षेप्यास्त्र प्रहार गरेको जनाएको