ट्रम्पको आप्रवास‍न नीति लागु गर्न अमेरिकी सर्वोच्च अदालतद्वारा बाटो खुला



अमेरिकी सर्वोच्च अदालतले राष्ट्रपति डोनल्ड ट्रम्पलाई कतिपय आप्रवासीलाई अमेरिकामा बसोबासको स्थायी अधिकार नदिने विवादास्पद नीति लागु गर्न बाटो खोलिदिएको छ।

सर्वोच्च अदालतको बहुमतले तल्लो अदालतले गरेको आदेश उल्ट्याइदिएको छ। सर्वोच्च अदालतमा भएको मतदानमा तल्लो अदालतको आदेशको पक्षमा चार न्यायाधीश र विपक्षमा पाँच न्यायाधीशले मत दिएका थिए।

सो नीतिबमोजिम यदि भविष्यमा सरकारी सहायता आवश्यक पर्ने सम्भावना देखिए प्रशासनले स्थायी बसोबासका त्यस्ता निवेदकलाई अयोग्य ठहर्‍याउन सक्छ।

अक्टोबरमा तल्लो अदालतले उक्त नीति ‘अमेरिकी सपनाको आदर्शविपरीत’ भएको ठहर गरेको थियो। अन्य आलोचकहरूले चाहिँ सो नीतिलाई ‘धनको परीक्षण’ भन्दै त्यसबाट अश्वेत आप्रवासीहरू पीडित हुने जनाएका छन्।

ट्रम्पले विदेशी आप्रवासीप्रति कडा नीति अवलम्बन गर्दै आएका छन्। गत साता मात्रै अमेरिकाको विदेश मन्त्रालयले ‘जन्म पर्यटन’लाई रोक्न विदेशी गर्भवती महिलाहरू बच्चा जन्माउनैका लागि अमेरिका जान खोजेको पाइए उनीहरूलाई प्रवेशाज्ञा (भिसा) नदिन निर्देशन दिएको थियो।

गत सेप्टेम्बरमा अमेरिकी सर्वोच्च अदालतले आप्रवासीहरूको शरण लिने अधिकारलाई सीमित तुल्याइदिने व्यवस्था गर्न सरकारलाई अनुमति दिएको थियो।

अमेरिकाले आफ्नो दक्षिणी सीमामा आइपुग्ने मानिसले आफूले यात्रा गरेका देशमा शरण नपाएको अवस्थामा अमेरिकामा शरण खोज्न नपाउने नीति अघि सारेको थियो।

त्यो नीतिविरुद्ध मुद्दाहरू पर्ने गरेको भए पनि अमेरिकी सर्वोच्च अदालतको आदेशले आफ्नो आदेश देशभरि लागु गर्न बाटो खोलिदिएको थियो।

ट्रम्पले चुनाव जित्नुअघि अमेरिका-मेक्सिको सीमामा पर्खाल बनाउने वाचा गरेका थिए। गत वर्षको जुलाईमा अमेरिकी सर्वोच्चले ट्रम्पले त्यो पर्खाल परियोजनामा अढाई अर्ब अमेरिकी डलर खर्च गर्न सक्ने फैसला सुनाएको थियो।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
हङ्गेरीद्वारा गाजा सङ्कट रोक्न अन्तर्राष्ट्रिय कारबाही गर्न आह्वान

  हङ्गेरीका विदेश मामिला तथा व्यापारमन्त्री पिटर सिज्जार्टोले आफ्ना इजराइली समकक्षी इजरायल काट्जसँगको

इटालीमा दुईवटा  पानी जहाज डुब्दा १० आप्रवासीको मृत्यु, दर्जनौँ बेपत्ता

  इटालीमा दुईवटा जहाज डुब्दा १० आप्रवासीको मृत्यु भएको र दर्जनौँ बेपत्ता भएको

उत्तर कोरिया भ्रमणमा निस्कदै पुटिन

रुसी राष्ट्रपति भ्लादिमिर पुटिन आज ‘मैत्रीपूर्ण’ भ्रमणका क्रममा उत्तर कोरिया जाँदैछन् ।  विश्वको सबैभन्दा

इजरायली प्रधानमन्त्रीद्वारा वार क्याबिनेट भङ्ग

  इजराइली प्रधानमन्त्री बेन्यामिन नेतान्याहुले गाजामा युद्धको नेतृत्व गर्ने जिम्मेबारी दिइएको प्रभावशाली युद्ध