ह्वावेईकी कार्यकारी प्रमुख मङ्गको अमेरिका सुपुर्दगीबारे क्यानडामा सुनुवाइ शुरू



क्यानडाको अदालतमा चिनियाँ दूरसञ्चार कम्पनी ह्वावेईकी कार्यकारी प्रमुख मङ्ग वान्जूलाई अमेरिका सुपुर्दगी गर्ने बारेको मुद्दामा सुनुवाइ सुरु भएको छ।

मङ्गले गोली प्रतिरोधी सिसा पछाडिबाट हेरिरहँदा उनका वकिल रिचर्ड पेकले उनको सुपुर्दगी गरिनुपर्ने आधारहरू नभएको जिकिर गरेका छन्।

अमेरिकामा ठगी र इरानविरुद्धको प्रतिबन्धको अवज्ञा गरेको आरोप खेपिरहेको ह्वावेईका संस्थापककी छोरी मङ्गको गिरफ्तारीका कारण वासिङ्टन र बेइजिङबीचको सम्बन्ध चिसो भएको छ। पेकले क्यानडाले इरानमाथि प्रतिबन्ध नलगाएकोले मङले क्यानडाको कानुनको अवज्ञा नगरेको तर्क गरे।

सोमबार भ्यानकुभरस्थित अदालत आउने जाने क्रममा ४७ वर्षीय मङ्गले भने कुनै प्रतिक्रिया जनाइनन्। इरानमाथि अमेरिकाले लगाएको प्रतिबन्धको अवज्ञा गरेको लगायतका विषयमा अमेरिकाले मङ्गलाई आफ्नो देशमा ल्याएर मुद्दा चलाउन चाहन्छ।

सन् २०१८ मा क्यानडामा पक्राउ परेकी मङ्गले भने गलत काम नगरेको बताउँदै आएकी छन। ह्वावेईकी उच्च अधिकारीसम्बन्धी सो मुद्दालाई क्यानडा, अमेरिका र चीनले चासोका साथ हेरिरहेको छ।

यसैबीच ह्वावेईले भने “मङ्गको न्याय र स्वतन्त्रताको खोजीमा” साथ दिने बताएको छ। अदालती कारबाही चलिरहेका बेला सामाजिक सञ्जालमा राखिएको एउटा भिडिओमा ह्वावेईले क्यानडाको न्यायिक प्रणालीमाथि विश्वास रहेको र त्यसले मङ निर्दोष रहेको प्रमाणित गर्ने बताएको छ।

पहिलो चरणको सुनुवाइ ज्यानुअरी २० देखि २४ सम्म हुने तय गरिएको छ। अमेरिकाले मङ्गमाथि लगाएको आरोपलाई क्यानडामा पनि अपराधका रूपका हेरिन्छ कि हेरिँदैन भन्ने विषयमा अदालतले सुनुवाइ गर्नेछ।

मङ्ग वान्जू चीनको अग्रणी टेलिकम कम्पनी ह्वावेइकी आर्थिक मामिलासम्बन्धी प्रमुख र सोही कम्पनीका संस्थापककी छोरी हुन्। ह्वावेइ सञ्चार सामग्री र सेवा प्रदान गर्ने संसारकै सबैभन्दा ठूलो कम्पनी हो। हालै मात्र उसले एप्पल कम्पनीलाई उछिनेर स्मार्टफोन उत्पादनमा सामसङपछि विश्वकै दोस्रो ठूलो कम्पनी बनेको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
इरानमा शासन परिवर्तन अकल्पनीयः रुस

मस्को। क्रेमलिनका प्रवक्ता दिमित्री पेस्कोभले रुसले इरानमा शासन परिवर्तनको कुनै पनि छलफललाई पूर्ण

इयुद्वारा प्रमुख राज्य चिकित्सा उपकरण सम्झौताबाट चिनियाँ कम्पनीहरूमाथि प्रतिबन्ध

ब्रसेल्स । बेइजिङले आफ्नो बजारमा पहुँचमा राखेका सीमाहरूको जवाफमा युरोपेली संघ (इयु) ले

अमेरिकी अपील अदालतद्वारा ट्रम्पलाई एलएमा नेसनल गार्ड नियन्त्रण गर्न अनुमति प्रदान

सान फ्रान्सिस्को (अमेरिका)। क्यालिफोर्नियाका गभर्नर गेभिन न्युसमको आपत्तिका बावजु अमेरिकी अपील अदालतले बिहीबार

इजरायली सेनाद्वारा तेहरानको हतियार अनुसन्धान केन्द्रमा आक्रमण

जेरुसेलम । दुई शत्रुबीचको युद्धको आठौँ दिनमा इजरायली सेनाले रातभर तेहरानमा दर्जनौँ लक्ष्यमा