अमेरिकामा भीषण आँधी, कम्तीमा ११ जनाको मृत्यु



दक्षिणी अमेरिकामा आएको भीषण आँधीका कारण कम्तीमा ११ जनाको ज्यान गएको छ। आँधीले तेज हावा र ठूलो वर्षा निम्त्याएको छ।

अलाबामा, लुइजियाना र टेक्सस राज्यमा मृत्युका घटना भएको विवरण आएका छन्। आँधीका कारण विद्युत्‌ आपूर्ति अवरुद्ध हुँदा दशौँ हजार मानिस प्रभावित भएका छन्।

केही घरहरू ध्वस्त भएका छन् भने कतिपय सडक डुबानमा परेका छन्। टोर्नेडो आउने भनेर शनिवार कैयौँ चेतावनी जारी गरिएका थिए। अलाबामा चाहिँ सबैभन्दा जोखिममा रहेको बताइएको छ।

मध्यपश्चिमी क्षेत्रमा हिमपात हुने अनुमान गरिएको छ भने शिकागोका प्रमुख दुई विमानस्थलमा शनिवार सयौँ उडान रद्द गरिएका छन्।

लुइजियानास्थित बोसिएर प्यारिश शेरिफ कार्यालयले जनाए अनुसार आँधीले शुक्रवार अस्थायी घर उडाउँदा एक ज्येष्ठ दम्पतीको ज्यान गएको हो।

घरमाथि रूख ढल्दा अर्का एक जनाको ज्यान गएको छ। मौसमसम्बन्धी निकाय एनडब्ल्यूएसले अलाबामा राज्यमा पर्ने पिकेन्स काउन्टीमा तीन जनाको ज्यान गएको पुष्टि गरेको छ।

अलाबामाको बर्मिङ्घमस्थित एनडब्ल्यूएसको कार्यालयले मृत्युबारे ट्विटरमार्फत्‌ जानकारी गराउँदै भनेको छ, “यी चेतावनीहरूलाई गम्भीरतापूर्वक लिन आग्रह गरिन्छ।”

टेक्ससमा दुई जनाको ज्यान गएको अधिकारीहरूले बताएका छन्।धेरै ठाउँमा बिजुलीका खम्बा र रूखहरू ढलेका विवरण प्राप्त भएका छन् भने आँधीले थुप्रै घरमा क्षति पुर्‍याएको छ।

मिजुरी, ओक्लोहोमा र आर्कन्सामा पनि आँधीले सम्पत्तिमा क्षति पुर्‍याएको छ। आँधीबाट प्रभावित मानिसहरूलाई सुरक्षित स्थानमा आश्रय लिन तथा डुबानमा परेका सडकहरूमा ननिस्कन आह्वान गरिएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
श्रीलङ्काले युद्धकालीन अपराध आरोपबारे अनुसन्धान सुरु गर्ने

श्रीलङ्काले तमिल अलगाववादीहरूसँगको द्वन्द्वको क्रममा सेनाले युद्ध अपराध गरेको आरोपमा अनुसन्धान गर्ने शुक्रबार

अफगानिस्तानमा सुरक्षा कारबाहीमा परी १६ तालिबान लडाकूको मृत्यु

अफगानिस्तानको पूर्वी भागमा रहेको नान्गार्हार प्रान्तमा अवस्थित शिर्जाद र खोगीआनी जिल्लामा तालिबान लडाकू

ट्रम्प विरुद्धको महाभियोग सुनुवाईमा ढिलाई गर्न रिपब्लीकन पार्टीको आग्रह

अमेरिकी माथिल्लो सदन सिनेटमा रिपब्लीकन पार्टीका नेता मिच म्याक्कोनेलले पूर्व राष्ट्रपति डोनाल्ड ट्रम्प

खेलाडीलाई यौन दुव्र्यवहार गरेको अभियोगमा प्रशिक्षकलाई १० वर्ष जेल सजाय

दक्षिण कोरियामा महिला खेलाडीलाई यौन दुव्र्यवहार गरेको आरोपमा एक प्रशिक्षकलाई दश वर्षको जेल