उत्तरप्रदेशको कन्नौजमा ट्रकसँग ठोक्किएर बसमा आगो लाग्दा कम्तीमा २० जनाको मृत्यु
काठमाडौं । भारत उत्तरप्रदेशको कन्नौजमा ट्रकसँग ठोक्किएर बसमा आगो लाग्दा कम्तीमा २० जनाको मृत्यु भएको छ । दुर्घटनापछि कतिपयले बसबाट हामफालेर ज्यान जोगाएका थिए भने २१ जनालाई बसबाट उद्धार गरिएको छ ।
बसमा ५० जना यात्रु रहेका बताइएको छ । बस र ट्रक आपसमा ठोक्किनासाथ दुवैमा आगो लागेको थियो । उत्तर प्रदेशका मुख्यमन्त्री योगी आदित्यनाथलले घटनाप्रति दुःख व्यक्त गर्दै अनुसन्धान गर्न निर्देशन दिएका छन् ।
उनले मृतकका परिवारलाई दुईदुई लाख र घाइतेहरुलाई ५० हजार राहत दिने घोषणासमेत गरेका छन् ।