अफगानिस्तानको शान्ति समूहका २७ सदस्य तालिवानको अपहरणमा



अफगानिस्तानका स्थानीय अधिकारी र अधिकारकर्मीहरूले एउटा शान्ति समूहका २७ जना सदस्य तालिवानको अपहरणमा परेको बताएका छन्।

पिपल्स पिस मुभमेन्ट (पीपीएम) को र्‍याली पश्चिमी अफगानिस्तान पुगेका बेला उसका सदस्य सम्पर्कविहीन भएका हुन्। तालिवानले त्यसबारे कुनै प्रतिक्रिया दिएको छैन।

पीपीएमले युद्धविरामको माग गर्दै दुई साताअघि हेरात प्रान्तबाट आफ्नो र्‍याली सुरु गरेको थियो। तर फराह प्रान्तमा प्रवेश गरेपछि ती २७ जना हराएको बताइएको छ।

तालिवान अमेरिकासँगको शान्तिवार्तामा संलग्न छ। तर उसले अफगान र अफगानिस्तानमा रहेका अन्तर्राष्ट्रिय फौजहरूमाथि बारम्बार आक्रमण गरिरहेको छ।

फराह प्रान्तका उपप्रमुख मसुद बख्तवारले बताए अनुसार छ वटा कारमा यात्रा गरिरिहेका ती अभियानकर्ताहरूलाई मुख्य सडकमा तालिवानले रोके र अज्ञात स्थानतर्फ लिएर गए।

एउटा कार बम हमलामा १७ जना सर्वसाधारण मारिनुका साथै ५० जना घाइते भएपछि सन् २०१८ को प्रारम्भदेखि हेलमन्ड प्रान्तबाट हिंसात्मक आक्रमणहरूविरुद्धको उक्त शान्ति र्‍याली सुरु भएको हो।

त्यसयता उक्त समूहले देशका अन्य भागहरूको यात्रा गरेको छ। जसमा धेरैजसो तालिवान नियन्त्रित क्षेत्रहरू पनि परेका छन्। तालिवानले यसअघि उक्त समूहमाथि अफगान सरकारको लगानी रहेको आरोप लगाएको थियो, जुन कुरा पीपीएमले अस्वीकार गरेको छ।

सन् २०११ यता अफगानिस्तानमा दशौँ हजार सर्वसाधारण र सुरक्षाकर्मीहरू अनि तीन हजारभन्दा धेरै अन्तर्राष्ट्रिय सैनिकको ज्यान गइसकेको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
‘क्वान्टम मेकानिक्स’बारे अध्ययन गर्ने तीन वैज्ञानिकलाई भौतिकशास्त्र तर्फको नोबेल पुरस्कार

यस वर्षको भौतिकशास्त्रतर्फको नोबेल पुरस्कार ’क्वान्टम मेकानिक्स’बारे अनुसन्धान गर्ने तीन जना वैज्ञानिकलाई दिने

अफगानिस्तानमा भएको आत्मघाती हमलामा मृत्यु हुनेको संख्या ५३ पुग्यो

अफगानिस्तानको राजधानी काबुलबाट पश्चिमतर्फको एक सहरमा गत शुक्रबार भएको आत्मघाती हमलामा परेर ज्यान

इक्वेडरको जेलमा भएको दङ्गामा कम्तीमा १५ जनाको मृत्यु

इक्वेडरको मध्य इक्वेडर सहर लाटाकुंगामा रहेको एक जेल दङ्गामा परी सोमबार दिउँसो कम्तीमा

उत्तर कोरियाद्वारा बलिस्टिक क्षेप्यास्त्र प्रहार

उत्तर कोरियाले उत्तरी जापानको एक क्षेत्रमा शङ्कास्पद मध्यम दूरीको बलिस्टिक क्षेप्यास्त्र प्रहार गरेको