चीनमा क्रिसमस प्रतिबन्ध
चिनियाँ अधिकारीले यसवर्ष क्रिसमसका सबै कार्यक्रममा प्रतिबन्ध लगाएका छन् । स्थानीय अधिकारीहरुले जारी गरेको सूचनाअनुसार, सरकारी कर्मचारीले सार्वजनिक क्रिसमस प्रदर्शन र उत्सव समारोहको बारेमा आफूभन्दा उच्च पदमा सूचित गराउनु पर्नेछ ।
क्रिसमससम्बन्धी कुनै सामाग्री बेच्नेलाई पनि प्रतिबन्ध लगाइएको छ । यसलाई चिनियाँ राष्ट्रपति सिन चिन फिङको धर्म र विदेशी संस्कृतिविरुद्ध लडाई अभियानको रुपमा हेरिएको छ । क्रिसमसलाई स्थिरता कायम राख्ने नाममा र सामाजिक अशान्तिलाई हटाउने नाममा प्रतिबन्ध लगाइएको हो । जुन चिनियाँ सरकारको लागि ठूलो महत्वको विषय हो ।
संसारको सबैभन्दा धेरै जनसंख्या भएको चीनमा इसाइ धर्म मान्नेको संख्या ५ प्रतिशत मात्र छ । तर त्यसले गैर इसाइलाई रमाइलो गर्न र पैसा खर्च गर्न रोक्दैन । हुनान प्रान्तमा केही अन्डरग्राउन्ड चर्च बन्द गरिएको छ ।
लाङफाङका अधिकारीले जारी गरेको सूचनाअनुसार, क्रिसमससँग सम्बन्धीत सामग्रीहरु जस्तै क्रिसमस ट्री, टोपी, पुष्पहार, मोजा र सान्टा क्लज बेच्ने र किन्ने दुबैलाई सजाय हुनेछ ।
