जर्मनीमा जासुसी गरेको अभियोगमा भारतीय दम्पती दोषी ठहर



जर्मनीको एउटा अदालतले एक भारतीय दम्पतीले जासुसी गरेको ठहर गर्दै सजाय सुनाएको छ। उनीहरूले भारतीय गुप्तचर निकायका लागि आफूले जर्मनीमा कश्मीरी र सिख समूहहरूको जासुसी गरेको स्वीकार गरेका थिए।

अदालतको अभिलेखमा मनमोहन एस र उनकी पत्नी कन्वाल जित केले जासुसी गरेबापत कम्तीमा सात हजार यूरो लिएको उल्लेख छ। अदालतले मनमोहन एसलाई पछि लागु हुनेगरी १८ महिनाको जेल र उनकी पत्नीलाई ठूलो जरिबाना तिर्न आदेश दिएको छ।

कश्मीर भारत र पाकिस्तानबीच रहेको विवादित क्षेत्र हो। कश्मीरकै विषयमा दुई देशबीच युद्धहरू भएका छन् र बेलबेलामा उनीहरूबीच तनाव चर्किने गरेको छ।

भारतले सन् १९८० को दशकमा सिख विद्रोह दमन गरेको थियो। त्यसपछि पनि सिख समुदायले विद्रोह पुन: गर्न सक्ने ठानेर भारतले निगरानी गर्ने गरेको बताइन्छ।

फ्राङ्कफर्टस्थित अदालतका अनुसार ५१ वर्षीय मनमोहन एसलाई भारतीय गुप्तचर संस्था रिसर्च एन्ड एनलिसिस विङले सन् २०१५ मा काममा नियुक्त गरेको र कश्मीरी समूहबारे जासुस गर्न लगाएको थियो।

“अभियुक्तहरूले कोलोन र फ्राङ्कफर्टस्थित सिख गुरुद्वारा तथा सिख समुदायले आयोजना गरेका विरोधका कार्यक्रमहरूबारे विवरण दिएका थिए,” अदालतले भनेको छ।

जुलाई २०१७ देखि मनमोहन एसले निरन्तर एक भारतीय गुप्तचर अधिकारीसँग बैठक गरेका र उनलाई प्रतिमहिना २०० यूरो दिने गरिएको थियो।

अदालतका अनुसार ५० वर्षीया कन्वल जित के पनि आफ्ना पतिसँगै ती बैठकमा सहभागी हुन्थिन्। जेल सजायबाहेक ती भारतीय पुरुषलाई कुनै कल्याणकारी संस्थालाई १५०० यूरो दान दिन आदेश दिइएको छ।

अदालतको आदेशमा पतिलाई जासुसी गर्न सघाएकाले कन्वल जी केले १८० दिनको तलब बराबारको रकम जरिबाना तिर्नुपर्ने उल्लेख छ। उनीहरूले यो हप्ताभित्र निर्णयविरुद्ध पुनरावेदन गर्न पाउनेछन्।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सन् २०२१ मा चीनको सूचना प्रबिधि क्षेत्रमा २.२१ ट्रिलियन युआनभन्दा बढी खर्च

सूचना प्रविधि (आईटी) क्षेत्रमा चीनको खर्च वर्षको १० प्रतिशतले बढेर २०२१ मा २.२१

विपन्न राष्ट्रहरूलाई एक अर्ब डोज खोप दिने जी-सेभेनका नेताहरुको वाचा

धनी राष्ट्रहरूको समूह जी–सेभेनको बैठकपश्चात् आयोजित पत्रकार सम्मेलनमा ब्रिटेनका प्रधानमन्त्री बोरिस जोनसनले नेताहरूले

पाकिस्तानमा २६ देशबाट भ्रमण गर्न प्रतिबन्ध

पाकिस्तानमा २६ देशबाट भ्रमणका लागि आउन प्रतिबन्ध लगाइएको छ । कोरोनाभाइरसको महामारी थप

भारतमा पछिल्लो २४ घण्टामा थप ८० हजारलाई कोरोना संक्रमण

भारतमा पछिल्लो २४ घण्टामा कोरोनाभाइरसबाट थप ८० हजारभन्दा बढी सङ्क्रमित भएका छन् ।