यी हुन् लण्डन ब्रिजका आक्रमणकारी उस्मान खान



ब्रिटेनको राजधानीको केन्द्रमा अवस्थित लन्डन ब्रिजमा शुक्रवार चक्कु प्रहार गर्ने व्यक्ति आतङ्कवादसँग सम्बन्धित अपराधमा दोषी प्रमाणित भएर कारागार बसेको पुष्टि भएको छ। शुक्रवारको घटनामा एक पुरुष र एक महिला गरी दुई जनाको मृत्यु भएको थियो भने अन्य तीन जना घाइते भएका थिए।

प्रहरीले गोली प्रहार गर्दा ती सन्दिग्ध व्यक्तिको पनि मृत्यु भएको थियो। प्रहरीले २८ वर्षीय ती आक्रमणकारीको नाम उस्मान खान भएको र उनी गत वर्ष कारागारबाट ससर्त बाहिर आएको बताएको छ।

लन्डन ब्रिजमा चक्कु प्रहार भइरहेको देखेपछि सर्वसाधारणहरूले उनलाई नियन्त्रणमा लिएका थिए। पछि प्रहरीले गोली चलाउँदा उनको मृत्यु भयो।प्रहरीले लन्डन ब्रिजमा ‘आतङ्कवादी घटना’ भएको बताएको छ। प्रहरीका अनुसार खान सन् २०१२ मा आतङ्कवादीसम्बन्धी मुद्दामा दोषी ठहर भएका थिए।

मेट पुलिसका आयुक्त नील बसुले प्रकाशित गरेको विज्ञप्तिमा खान गत वर्ष डिसेम्बरमा कारागारबाट सर्तसहित बाहिर आएको र अहिले उनले किन यस्तो आक्रमण गरे भन्नेबारे छानबिन गरिने उल्लेख छ।

द टाइम्स पत्रिकाका अनुसार सधैँ एउटा विद्युतीय उपकरण लाउने र आफ्ना गतिविधि निगरानीमा राख्ने सहमत भएपछि उनी गत वर्ष मुक्त भएका थिए। खानको स्याफोर्डशरस्थित निवासमा प्रहरीले खानतलासी गरेको छ।

प्रहरीले अहिले अनुसन्धान प्रारम्भिक चरणमा भएको र उक्त आक्रमणमा अरू पनि कोही संलग्न थिए कि भनेर खोजी भइरहेको जनाएको छ।

आक्रमण दिउँसो १:५८ बजे लन्डन ब्रिजको उत्तरी भागमा भएको थियो। नजिकै एउटा भवनमा केम्ब्रिज यूनिभर्सिटीले कैदीहरूको पुनर्वासको विषयमा एउटा कार्यक्रम आयोजना गरिरहेको थियो।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
बेलायतले १८ वर्षमाथिका सबैलाई खोपको बुस्टर डोज दिने

बेलायतका प्रधानमन्त्री बोरिस जोनसनले १८ वर्षमाथिका सबै नागरिकलाई कोरोनाविरुद्धको खोपको बुस्टर मात्रा दिने

मन्त्रीहरुलाई अनुमतिविना विदेश भ्रमणमा नजान पाकिस्तानी प्रधानमन्त्रीको आग्रह

पाकिस्तानका प्रधानमन्त्री इमरान खानले संघीय मन्त्रिपरिषद्का सदस्यहरूलाई अनुमतिविना विदेश यात्रा नगर्न निर्देशन दिएका

नयाँ दिल्लीमा विगत ६ वर्षयता सबैभन्दा बढी वायु प्रदूषण

नोभेम्बरका केही दिनहरूमा दिल्लीको वायु प्रदूषणको स्तर अत्यधिक नराम्रो रहेको भारतीय वायु स्तर

यात्रा प्रतिबन्ध मात्र समाधान होइनः डब्लुएचओ

विश्व स्वास्थ्य संगठन (डब्लुएचओ) ले हालै अफ्रिकामा देखिएको भनिएको कोरोना भाइरसको ओमिक्रोन नामक