भ्रष्टाचारविरुद्धको आन्दोलनले हिंसात्मक रुप लिएपछि इराकी प्रधानमन्त्रीले दिए राजीनामा
इराकी प्रधानमन्त्री अदेल अब्देल मेहदीले राजीनामा दिएका छन् । इराकी सिया धर्मगुरूले भ्रष्टाचारविरोधी आन्दोलनले हिंसात्मक रूप लिएपछि मन्त्रीमण्डलमा फेरबदलका लागि सुझाब दिएका थिए ।
सरकार परिवर्तनको माग गर्दै दैनिक विरोध प्रदर्शन भइरहेपछि उनले शुक्रबार राजीनामा दिने घोषणा गरेका हुन् । उनले प्रधानमन्त्री पदबाट दिएको राजीनामा संसदमा पेश गर्ने जनाएका छन् ।
इराकमा झण्डै दुई महिनादेखि भइरहेको रक्तपातपूर्ण आन्दोलनका क्रममा ४०० भन्दा बढीको मृत्यु भएको छ भने अरु १५ हजार भन्दा बढी घाइते भएका छन् ।
पछिल्लो विवरण अनुसार दक्षिणी धिकार राज्यको राजधानी नासिरियालगायत देशभरका विभिन्न ठाउँमा भएका झडपमा परी ४५ प्रदर्शनकारी मारिएका थिए ।
