सिरियाको युद्धमा फसेका बालबालिकालाई फर्काउन आग्रह



सिरियाको युद्धमा फसेका ब्रिटेनका बालबालिकालाई घर फिर्ता ल्याइन लागेको ब्रिटेनका विदेश मन्त्रीले बताएका छन्।

सिरियामा इस्लामिक स्टेट विद्रोही परास्त भएपछि उनीहरू त्यहाँबाट स्वदेश फर्काइने ब्रिटिश बालबालिकाको पहिलो समूह हुनेछन्।

परोपकारी संस्थाहरूले सिरियामा फसेका सबै ब्रिटिश बालबालिकालाई घर फर्काउन आग्रह गरिरहेका छन्।

विदेश मन्त्री डोमिनिक राबले ती अवोध बालबालिकाहरूलाई युद्धभूमिको त्रास भोग्न बाध्य पारिएको भन्दै खेद प्रकट गरे।

उनले ती बालबालिकाहरूको गोपनियताको अधिकारको सम्मान गरिने बताए। बीबीसी संवाददाताका अनुसार ती बालबालिकाले सिरिया छोडिसकेका छन्।

गत मार्चमा इस्लामिक स्टेट परास्त भएपछि त्यहाँ रहेका विदेशी र तिनका बालबालिकाको भविष्यबारे विभिन्न प्रश्न उठिरहेका छन्।

फ्रान्स डेनमार्क, नर्वे र काजख्स्तानबाट आईएसलाई सघाउन सिरिया पुगेका आमाबाबुका छोराछोरी अहिले आफ्नो देश फिर्ता भइससकेका छन्।

सेभ् द चिल्ड्रेन नामक संस्थाको अनुमानमा ६० जना जति ब्रिटिश बालबालिकाहरू सिरियामा फसेका छन्।

उनीहरू यो हिउँदको चिसोमा कठ्याङ्ग्रिन बाध्य छन्। आफ्ना आमाबाबुले गरेको अपराधको सजाय बालबालिकाले पाउनु हुँदैन भन्ने विषयमा अहिले योरोपभरि बहस चर्किरहेको छ।

यसैबीच नेदरल्याण्ड्सको एक अदालतमा उत्तरी सिरियामा रहेका ६० डच बालबालिकालाई स्वदेश फर्काउनु भन्ने अर्को अदालतको आदेशको विपक्षमा सरकारले दायर गरेको निवेदनमाथि सुनुवाइ पूरा भएको छ।

पुनरावेदन अदालतले सरकार ती बालबालिकालाई फर्काउन सघाउन बाध्य नहुने निर्णय सुनाएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कराँचीमा खाद्यान्न वितरणका क्रममा भएको भागदौडमा नौ महिलाको मृत्यु

कराचीस्थित एक कारखानामा खाद्यान्न वितरण गर्ने क्रममा भएको भागदौडमा १२ जनाको मृत्यु भएको

क्यानडा–अमेरिका सीमामा थप दुई शव फेला

क्यानाडाली प्रहरीले शुक्रबार दिउँसो क्यानडा–अमेरिकी सीमानाको जलक्षेत्रबाट थप दुईवटा शव फेला पारेका छन्

चीनका शीर्ष विधायक र स्पेनका प्रधानमन्त्री बीच भेटवार्ता

चीनका शीर्ष विधायक झाओ लेजीले बेइजिङमा स्पेनका प्रधानमन्त्री पेड्रो सान्चेजसँग भेटवार्ता गरेका छन्

ब्राजिलका राष्ट्रपति लुलाले अप्रिलको दोस्रो हप्ता चीन भ्रमण गर्ने

ब्राजिलका राष्ट्रपति लुइज इनासियो लुला डा सिल्भा अप्रिल महिनाको दोस्रो साता चीन भ्रमणमा