इरानी फौजलाई लक्षित गर्दै इजरेलद्वारा सिरियामा हमला



इजरेलले सिरियास्थित सरकारी तथा इरानी फौजलाई निशाना गर्दै दर्जनौँ ठाउँमा हमला गरेको बताएको छ। ती हमलाहरू सिरियास्थित एक इरानी एकाइले इजरेलमा गरेको रकेट हमला बदलास्वरूप गरिएको इजरेली सेनाले जनाएको छ।

रुसले इजरेली हमलाको निन्दा गरेको छ भने सिरियाली सरकारले ती हमलाहरूमा दुई गैरसैनिक मारिएको बताएको छ।सिरियाली प्रतिरक्षा प्रणालीले राजधानी दमास्कसको आकाशमाथि अधिकांश क्षेप्यास्त्र खसालिएको बताएको छ।

अन्य विवरणहरूमा मृतकको सङ्ख्या धेरै भएको उल्लेख छ। स्थानीय विवरणहरूका अनुसार राजधानीमा चर्का स्वरमा विस्फोटका आवाज आएको जनाइएको छ। सामाजिक सञ्जालमा ठाउँ-ठाउँमा आगलागी भएका तस्बिर राखिएका छन्।

सो हमलाको निन्दा गर्दै रुसी उप-विदेशमन्त्री मिखाइल बोग्दानोभले त्यस्ता आक्रमण अन्तर्राष्ट्रिय कानुन विपरीत भएको बताए। इजरेलले सिरियाली भू-भागमा इरानसम्बद्ध आधारहरूमाथि बरोबर हमला गर्नेगर्छ।

दमास्कस सरकार समर्थक रुससँग सिरियाको आकाश नियन्त्रण गर्ने क्षमता छ। तर सामान्यत: उसले इजरेली कारबाहीलाई बेवास्ता गर्नेगर्छ।

बुधवार इजरेली सेनाले ट्वीट गर्दै उसको हमलाको निशानामा इरानी कुड्स फौज तथा सिरियाली सेना रहेको जनाएको छ।कुड्स फौज इरानी सेना रिभोल्युसनरी गार्ड्सको एक विशेष टुकडी हो।

इजरेली सञ्चारमाध्यमका अनुसार इजरेली सेनाले सिरियास्थित रुसी सैनिक रहेको स्थान नजिकै जडान गरिएका जमिनबाट आकाशमा मार हान्ने क्षेप्यास्त्र प्रणाली एस थ्री हन्ड्रेडमा भने आक्रमण गरेनन्।

रुसी सेनाको सहयोगमा सिरियाका राष्ट्रपति बसर अल असदको सरकारले गृहयुद्धका माझ द्रूत गतिमा आफ्नो नियन्त्रण बढाउँदै लगेको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अमेरिकासँग सूचना तथा सञ्चार प्रविधिमा घनिष्ट सम्बन्धका लागि पूटिनको आग्रह

रूसी राष्ट्रपति भ्लादिमिर पूटिनले शुक्रबार अमेरिकासँग सूचना तथा सञ्चार प्रविधिमा घनिष्ट सम्बन्ध स्थापनाका

यूरोपेली परिषद्का प्रमुख मिशेलद्वारा आतङ्कवादविरुद्ध ऐक्यवद्धता

पेरिसस्थित हास्यव्यंग्य साप्ताहिक चार्ली हेब्डोको पूर्व कार्यालय बाहिर शुक्रबार भएको आक्रमणप्रति चासो व्यक्त

दक्षिण कोरियाली अधिकारी मारिएको घटनाप्रति उत्तर कोरियाली नेताले मागे माफी

उत्तर कोरियाली नेता किम जोङ उनले दक्षिण कोरियाली नागरिक मारिएको घटनाप्रति क्षमायाचना गरेका

भियतनाममा प्रयोग भइसकेका तीन लाखवटा कन्डम बरामद

भियतनाम प्रहरीले गैरकानुनी रूपमा ठूलो परिमाणमा विक्रीका लागि राखिएको एकचोटि प्रयोग भइसकेको कन्डम