खामेनीले भने -सबै धर्मका मानिसले इजरायलको भविष्य तय गर्नुपर्छ
इरानी सर्वोच्च नेता अयतोल्लाह अली खमेनीले इरानले यहुदीलाई नष्ट गर्न नचाहेको तर सबै धर्मका मानिसले इजरायलको भविष्य तय गर्नुपर्ने बताएका छन् ।
सन् १९७९मा इश्लामिक क्रान्तिपछि इरानले इजरायललाई मान्यता दिन अस्वीकार गर्दै प्यालेस्टाइनलाई समर्थन गर्दै आएको थियो । इजरायलले लामो समयदेखि इरानले आफूलाई नष्ट गर्न चाहेको बताउँदै आएको छ ।
उनले पश्चिमी शक्तिलाई इरानको परमाणु कार्यक्रम रोक्ने काम गरेकोमा आलोचना समेत गरेका छन् । इरानले इजरायलको अस्तित्व स्वीकार नगर्ने र उसले मुसलमानको जमिन कब्जा गरेको बताउँदै आएको छ ।
