हङ्‍कङमा विरोध प्रदर्शनका क्रममा एक जनाको मृत्यु



हङ्‍कङमा सरकार विरोधी प्रदर्शनका क्रममा एक जना ७० वर्षीय वृद्धको मृत्यु भएको छ। अधिकारीहरूका अनुसार ती वृद्धलाई खाजा खाने समयमा बाहिर निस्केका बेला ‘मास्क लगाएका प्रदर्शनकारीहरुले प्रहार गरेको साह्रो वस्तु’ लागेको थियो।

प्रहरी कारबाहीका क्रममा भवनबाट खसेर एकजना प्रदर्शनकारीको मृत्यु भएको एक हप्ताभन्दा कम समयपछि विरोध प्रदर्शनमा मृत्यु भएको यो दोस्रो घटना हो।

पछिल्लो पाँच महिनादेखि हङ्‍कङमा राजनीतिक अशान्ति फैलिएको छ। एउटा विज्ञप्ति जारी गर्दै सरकारले आफूहरू उक्त घटनाका कारण ‘दुखी भएको’ बताएको छ।

“मास्क लगाएका प्रदर्शनकर्ताहरूले विभिन्न स्थानमा लगातार तीन दिन निकै हिंसात्मक कार्यहरू गरे र उनीहरूले सर्वासाधारणहरूलाई समेत आक्रमण गरे,” सरकारले जारी गरेको विज्ञप्तिमा उल्लेख छ।

उक्त घटनाको भनिएको भिडिओमा प्रदर्शनकर्ता र सरकार समर्थकहरूले एकअर्का माथि इट्टा प्रहार गरिरहेको देखिन्छ। त्यही क्रममा एकजना मानिसको टाउकोमा इट्टा लागेपछि ती मानिस लडेको देख्न सकिन्छ।

अधिकारीहरूका अनुसार ती वृद्धको मृत्यु भोलिपल्ट अस्पतालमा भएको हो। प्रहरीले घटनाबारे अनुसन्धान गरिरहेको बताएको छ। गत शुक्रवार प्रदर्शनस्थल खाली गराउन गरिएको प्रहरी कारबाहीका क्रममा एक जना २२ वर्षीय विद्यार्थीको पार्किङ स्थलबाट खसेर मृत्यु भएको थियो।

विवरणहरूका अनुसार उनी अश्रुग्यास प्रहारबाट बच्ने प्रयास गरिरहेका थिए। उक्त घटनापछि प्रदर्शन झन् चर्कँदै गएको बताइएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
चीनद्वारा जापानलाई सैन्य र सुरक्षा क्षेत्रमा बोली र कर्ममा होसियार हुन आग्रह

जापानी पक्षले सैन्य र सुरक्षा क्षेत्रमा विवेकपूर्ण ढङ्गले बोल्नुपर्ने र क्षेत्रीय शान्ति र

जापानको ज्यालामा सन् २०१५ यताकै ठूलो गिरावट

जापानको मुद्रास्फीति अक्टोबरमा समायोजित वास्तविक ज्यालादर एक वर्ष अघिको तुलनामा २.६ प्रतिशतले घटेको

इडिबीद्वारा कम्बोडियालाई पाँच करोड डलर ऋण प्रदान

मनिलास्थित एसियाली विकास बैंक (एडीबी) ले कम्बोडिया सरकारलाई देशको अर्थतन्त्रलाई विविधीकरण गर्न तथा

गत साता लिबियाको तटबाट ६३३ आप्रवासीको उद्धार

आप्रवासीका लागि अन्तर्राष्ट्रिय संगठन (आईओएम) ले सोमबार लिबियाको तटबाट ६३३ आप्रवासीहरूलाई उद्धार गरी