भारतको महाराष्ट्रमा राष्ट्रपति शासन लागू
सरकार गठनको विषयलाई लिएर विवाद बढेपछि भारतको महाराष्ट्रमा राष्ट्रपति शासन लागू भएको छ । राष्ट्रपति रामनाथ कोविन्दले मन्त्रिपरिषदलाई सिफारिसको स्वीकृति दिएका छन् ।
शिवसेनाले भने राष्ट्रपति शासनलाई लिएर सर्वोच्च अदालतमा मुद्दा दायर गरेको छ । गृह मन्त्रालयले भने चुनावी परिणाम सार्वजनिक भएको १५ दिनसम्म पनि सरकार गठन हुन नसक्दा राष्ट्रपति शासन नै विकल्प भएको जनाएको थियो ।
राज्यपाल भगत सिंह कोस्यारीले पहिले नै सबैभन्दा ठूलो दल भाजपालाई सरकार बनाउन समर्थन दिएका थिए । तर भाजपाले सरकार गठनमा इच्छा नदेखाएपछि राजनीतिक अस्थिरता उत्पन्न भएको हो । स्थानीय संचारमाध्यमका अनुसार महाराष्ट्रमा अब सरकारले निर्वाचन गराउन सक्नेछ ।